कोणालाही दिसणार नाहीत लव्हबाईट्सचे डाग; वापरा 'या' ट्रिक्स

आपल्या आवडत्या व्यक्तीसमोर प्रेम व्यक्त करण्याची प्रत्येकाची वेगळी पद्धत असते. काही जण गिफ्ट देऊ, डेटवर नेऊन आपल्या पार्टनरला खूश करत असतात. तर, काही जण एकांतात आपलं प्रेम व्यक्त करत असतात. मात्र, अनेकदा एकांतात हे प्रेम व्यक्त करत असताना व्यक्तीच्या शरीरावर लव्ह बाईट्स येतात. आता लव्ह बाईट्स म्हणजे काय हे कोणालाही सांगायची वेगळी आवश्यकता नाही. परंतु, हे लव्ह बाईट्सचे डाग शरीरावर किंवा चेहऱ्यावर राहिले तर अनेकदा ओशाळल्यासारखं वाटतं. चारचौघात हे डाग पटकन लोकांचं लक्ष वेधून घेतात. त्यातूनच मग मित्र-परिवारात आपल्या पर्सनल लाईफची खिल्लीही उडवली जाते. म्हणूनच, हे लव्ह बाईट्सचे डाग काढण्याच्या काही सोप्प्या ट्रिक्स आहेत. या ट्रिक्स कोणत्या ते पाहुयात. (love-easy-tricks-to-get-rid-of-love-bites)

कोल्ड ट्रिटमेंट -

शरीरावर लव्ह बाईट्सचे डाग असल्यास ते घालवण्यासाठी कोल्ड ट्रिटमेंट परफेक्ट उपाय आहे. यासाठी कोल्ड कम्प्रेस ठेवा. जर तुमच्याकडे कोल्ड कम्प्रेस नसेल तर बर्फाचे काही तुकडे रुमालात बांधून त्यांनी लव्ह बाईटचा भाग शेकावा. साधारणपणे २० मिनीटे हा प्रयोग केल्यावर लव्ह बाईट्चे डाग जातात.

२. हीट थेरपी -

कोल्ड थेरपीप्रमाणेच हीट थेरपीदेखील फायदेशीर ठरते. विविध प्रयोग केल्यानंतरही लव्ह बाईटचे डाग जात नसतील तर तो भाग गरम कापडाने शेकावा. यासाठी एखादा रुमाल घेऊन तो तव्यावर गरम करावा आणि त्याने तो ठराविक भाग शेकावा. यामुळे साखळलेलं रक्त सुरळीत होतं.

३. टूथब्रश ट्रिक्स -

लव्ह बाईटचे डाग जात नसल्यास तो भाग टूथब्रशने रगडावा. त्यामुळे त्या भागातील ब्लड क्लॉटिंग थांबवलं जातं आणि थोड्यावेळा हे डाग ही दूर होतात.

४. टूथपेस्ट -

टूथब्रशप्रमाणे टूथपेस्टमुळेही हे डाग जाऊ शकतात. त्यासाठी मिंट फ्लेवर असलेली पेस्ट लव्ह बाईटवर लावावी. ठराविक वेळेनंतर येथील रक्तपुरवठा सुरळीत होतो व हे डाग जातात.