नवी दिल्ली : देशात प्रदुषणविरहित वाहनांच्या विकासासाठी आणि विक्रीच्या प्रोत्साहनासाठी केंद्र सरकारनं १ एप्रिल २०२४ च्या बजेटमध्ये इलेक्ट्रिक वाहनांसाठी ५०० कोटी रुपयांची तरतूद केली होती. यासाठी इलेक्ट्रिक मोबिलिटी प्रमोशन स्कीम (EMPS) अंतर्गत इलेक्ट्रिक वाहनं विकत घेणाऱ्या ग्राहकांना सरकारनं सबिसिडी जाहीर केली होती.
या सबसिडीची मुदत ३१ जुलै २०२४ रोजी संपत आहे. त्यामुळं जर इलेक्ट्रीक वाहन आणि सबसिडी असा दुहेरी फायदा तुम्हाला घ्यायचा असेल तर आजच तुम्हाला इलेक्ट्रीक वाहन बुक करा.
काय आहे EMPS योजना?
ईएमपीएस 2024 ही योजना मर्यादित निधी आणि मर्यादित कालावधीसाठी लागू आहे. या योजनेंतर्गत e-2w, e-3w: e-Rickshaw/ e-cart, e-3w: L5 या कॅटेगिरीतील वाहनांसाठी या योजनेंतर्गत प्रोत्साहन अनुदान देण्यात येतं. पण या योजनेचा लाभ घेण्यासाठी इलेक्ट्रिक वाहनांची नोंदणी योजनेच्या वैध कालावधीत झालेली पाहिजे.
कोणाला मिळणार EMPS योजनेचा फायदा?
सबसिडीसाठी सरकारनं दिलेल्या खर्चाची एकूण रक्कम 493.55 कोटी रुपये इतकी मर्यादित आहे. त्यामुळं जर या योजनेसाठीचा निधी जर 31 जुलै 2024 पूर्वी संपला तर ही योजना बंद करण्यात येणार आहे. त्यासाठी केलेल्या दाव्यांची EMPS 2024 अंतर्गत दखल घेतली जाणार नाही. योजनेसाठी दाखल केलेले अर्ज हे 'प्रथम येणाऱ्यास प्राधान्य' तत्त्वावर निकालात काढले जातील, असं सरकारनं काढलेल्या परिपत्रकात म्हटलं आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
