ब्लाउजऐवजी कुर्ती, टॉप अन् जॅकेटवर नेसा साडी! राहा स्टायलिश

आपल्या भारतीयांची साडी (Saree) ही ओळख आहे तसेच एक पारंपारिक वस्त्र आहे. असं म्हटलं जातं साडी हे स्त्रीचं पहिलं प्रेम आहे. त्यामुळे कोणत्याही कार्यक्रमात स्त्रिया साडी नेसून आल्या की त्यांच्या सौंदर्यात जणू चार चाँद लागतात. विशेष म्हणजे स्त्रियांची ही आवड लक्षात घेता बाजारातही विविध डिझाइनच्या आणि प्रकारच्या साडी उपलब्ध असल्याचं पाहायला मिळतं. महिलांना साडी नेसल्यावर ग्रेसफुल लुक देण्यासोबतच त्यांच्या सौंदर्यातही भर पडते. अनेकांना साडी नेसायला खूप आवडते. तुम्ही ब्लाउजऐवजी साडीवर आणखीन काही एक्सपेरिमेंट केल्यास आणखी सुंदर दिसू शकता. चला तर मग तुम्हाला एकदम स्टायलिश दिसायचं असेल तर साडीसोबत काय ट्राय कराल हे पाहुयात.

साडीसोबत ओव्हरकोट (Overcoat) हा सध्या ट्रेंडमध्ये आहे. तुम्ही तुमच्या साडीसोबत कोणत्याही रंगाचा ओव्हरकोट कॅरी करू शकता. हे तुम्हाला थंडीपासून वाचवेल आणि तुम्हाला स्टायलिश लुकही देईल. तुम्हाला हवे असल्यास साडीशी मॅच होणारा ओव्हरकोटही तुम्ही कॅरी करू शकता.

साडीसोबत टी-शर्ट (T-shirt) किंवा टॉप घालणे हा अतिशय स्टायलिश एक्सपेरिमेंट असू शकतो. यामध्ये, तुम्हाला हवे असल्यास, तुम्ही साडीशी मॅच होणारा टी-शर्ट किंवा टॉप घालू शकता किंवा तुम्ही साडीच्या कॉन्ट्रास्टमध्ये काहीतरी ट्राय करू शकता.

साडीसोबत ब्लाउज ऐवजी तुम्हाला कुर्ता वेगळा लुक देईल. ही एक्सपेरिमेंट करताना तुम्ही तुमच्या आवडीनुसार लॉंग किंवा लहान कुर्ता (Kurta) वापरु शकता. यामध्ये पदराला कुर्त्याच्या वरुन पिनला अटॅच करा आणि फॅशनेबल राहा.

जर तुम्हाला हिवाळ्यात रात्रीच्या फंक्शनला जायचे असेल, तर तुम्ही साडीसोबत हाय नेक टिशर्ट किंवा ब्लाउज कॅरी करू शकता. हे तुम्हाला पूर्णपणे वेगळा आणि स्टायलिश लुक देईल. यासोबत तुम्ही मोत्यांची माळही घालू शकता.

जर तुम्ही डे पार्टीला जाणार असाल किंवा तुमच्या कुटुंबासोबत लंचचे प्लॅन करत असाल तर साडीसोबत लेदर, डेनिम किंवा एथनिक जॅकेट (Ethnic jacket) घालून तुम्ही या ड्रेसिंगचा आनंद घेऊ शकता आणि पार्टीत हटके लूक मिळवू शकता.