- पृथा वीर
फॅशन ट्रेंडमध्ये पारंपरिक कलाप्रकार कायमच लक्ष वेधतात. हल्ली सोशल मीडिया आणि ऑनलाइन विंडो शॉपिंगमध्ये पारंपरिक फॅशन ट्रेंड बघायला मिळतात. देशाच्या कानाकोपऱ्यातून आलेले पारंपरिक फॅशन ट्रेंड केवळ भारतच नव्हे, तर संपूर्ण जगासाठी आकर्षण असते. संस्कृती आणि परंपरेचा हा वारसा गेल्या काही दिवसांत अजूनच लोकप्रिय झाला असून जागतिक व्यासपीठावर याची दखल घेतली जात असल्याने कारागीरांनाही संधी मिळत आहे.