त्वचेला मऊ आणि ताजेतवाने ठेवण्यासाठी त्याची काळजी घेणं खूप गरजेचं आहे, पण व्यस्त जीवनात प्रत्येकाला त्याची काळजी घेणं आणि त्वचेसाठी पार्लरमध्ये तासनतास घालवणं शक्य होत नाही. जर तुम्ही सकाळी तुमच्या त्वचेला फक्त 15 मिनिटे दिली तर तुमच्या या सवयीमुळे त्वचा सुंदर दिसू शकते.
होय, जर तुम्ही तुमच्या सकाळच्या रुटीनमध्ये या 5 सवयींचा समावेश केलात तर, तुम्ही 60 वर्षांचे असतानाही तुम्ही 30 सारखे दिसाल. तुमच्या सकाळच्या दिनचर्येत त्वचेची काळजी कशी घ्यावी हे आम्ही तुम्हाला सांगतो.
सकाळी अशा प्रकारे त्वचेची काळजी घ्या
अशा प्रकारे स्वच्छ करा
सकाळी उठल्याबरोबर माइल्‍ड क्लिंजरच्या मदतीने तुमची त्वचा स्वच्छ करा. साबण किंवा फोमिंग गोष्टी टाळा आणि नैसर्गिक गोष्टींच्या मदतीने त्वचा स्वच्छ करणे चांगले होईल. जर तुमची त्वचा कोरडी असेल तर क्रीम किंवा तेल असलेले क्लीन्सर वापरा.
नैसर्गिक फेसपॅकचा वापर
सकाळी त्वचा स्वच्छ केल्यानंतर हळद, बेसन आणि चंदन एकत्र करून पेस्ट बनवा आणि चेहरा आणि मानेवर लावा. 15 मिनिटांनी चेहरा स्वच्छ पाण्याने धुवा. अशा प्रकारे, चेहरा ओलसर आणि लवचिक राहील, ज्यामुळे सुरकुत्या पडण्याची शक्यता दूर राहते.
त्वचेवर टोनर वापरा
त्वचेला एक्‍स्‍ट्रा हायड्रेशन देणे महत्वाचे आहे. यासाठी रोज त्वचेवर टोनर वापरा. तुम्ही बाजारात उपलब्ध असलेले अल्कोहोल फ्री टोनर वापरू शकता, तर टोनर म्हणून गुलाबपाणी देखील वापरू शकता.
सीरमचा वापर
त्वचेला एक्‍स्‍ट्रा प्रोटेक्‍शन देण्यासाठी, तुम्ही व्हिटॅमिन सी, व्हिटॅमिन ई आणि अँटिऑक्सिडंट्सने समृद्ध फेस सीरम वापरला पाहिजे. असे केल्याने त्वचा अनेक समस्यांपासून सुरक्षित राहते आणि त्वचा सहज बरी होते. अशाप्रकारे, वृद्धत्वाची चिन्हे त्वचेवर दिसत नाहीत आणि त्वचा तरुण दिसते.
सनस्क्रीनचा वापर
जर तुम्ही उन्हात बाहेर जाणार असाल तर चेहऱ्यावर SPF जरूर लावा. तुम्ही तुमच्या त्वचेनुसार ते निवडा. सूर्यापासून त्वचेचे रक्षण करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
