Healthy Teeth: निरोगी आणि स्वच्छ दात हवेत? मग ‘या’ पदार्थांचा आहारात समावेश करा!

आपल्या सर्वांना निरोगी दात आणि हिरड्या हवे असतात. यासाठी, योग्य ब्रशिंग आणि फ्लॉसिंगचा सल्ला दिला जातो. पण तुम्हाला माहित आहे का की हे आपल्या खाण्याच्या सवयींवर देखील अवलंबून असते. दात आणि हिरड्या स्वच्छ ठेवण्यासाठी फायबरयुक्त फळे आहारात घेणे खूप महत्वाचे आहे. 

म्हणूनच, आज आम्ही तुम्हाला आहाराशी संबंधित काही सवयींबद्दल सांगत आहोत, ज्या दातांना निरोगी ठेवण्यास मदत करतात.

1. फळे आणि भाज्या खा

आपल्या आहारात जास्तीत जास्त फळे आणि भाज्यांचा समावेश करा. हे तुमच्या दातांचे सर्वात चांगले मित्र आहेत. हे तुमचे दात आणि हिरड्या स्वच्छ ठेवतात. संत्रे आणि द्राक्षासारखी फळे व्हिटॅमिन-सीच्या उच्च पातळीसह दात निरोगी ठेवण्यास मदत करतात. त्यात असलेले नैसर्गिक आम्ल दात स्वच्छ ठेवते.

2. पाणी - आहाराचा एक आवश्यक भाग

दररोज पुरेसे पाणी प्या. पाण्यासोबतच तुम्हाला तुमच्या आहारात पाणीयुक्त पदार्थांचा समावेश करावा लागेल. हे तुम्हाला चांगले हायड्रेट करतात. शरीराच्या योग्य हायड्रेशनमुळे प्रतिकारशक्ती मजबूत होते.

3. डेयरी प्रोडक्‍ट

दूध, चीज आणि दही यांसारखे दुग्धजन्य पदार्थ तुमच्या दात आणि हाडांसाठी चांगले असतात. त्यामध्ये कॅल्शियम आणि फॉस्फेट असतात, जे तुमच्या दातांना इतर पदार्थांमुळे होणारे नुकसान दुरुस्त करण्यात मदत करतात.

4. ग्रीन टी अँड ब्लॅक टी

हे दोन्ही प्रकारचे चहा आरोग्यासाठी चांगले असतात हे जवळपास सर्वांनाच माहीत आहे. पण, तुम्हाला माहीत आहे का की ते ओरल हेल्थसाठीही चांगले असतात. त्यात पॉलीफेनॉल नावाची रसायने असतात, जे खराब बॅक्टेरियांना वाढण्यापासून आणि दात आणि हिरड्यांना नुकसान होण्यापासून रोखतात.

साखरयुक्त पदार्थ टाळा किंवा कमी करा

लॉलीपॉप, कॅरॅमल्स आणि गोड साखरेचे ड्रॉप्स यांसारख्या कँडीज किंवा मिठाई टाळा जे तुमच्या दातांना जास्त काळ चिकटून राहतात. सॉफ्ट ब्रेड आणि बटाटा चिप्स यांसारख्या स्टार्चयुक्त पदार्थांपासून सावधगिरी बाळगा, ते तुमच्या दातांमध्ये अडकू शकतात.

याव्यतिरिक्त, शुगर ड्रिंक, विशेषतः कार्बोनेटेड ड्रिंक कमीत कमी करा. त्यात भरपूर साखर असते, ज्यामुळे तुमच्या दातांच्या इनॅमलला हानी पोहोचते.