पोटदुखीचा त्रास होत असेल तर 'या' पदार्थांना ठेवा दूर!

पोटदुखीची समस्या कधीही आणि कोणत्याही वेळी होऊ शकते. चुकीची आहारपद्धती किंवा जीवनशैली यामुळे अनेकदा पोटदुखीची समस्या निर्माण होते. अनेकजण पोट दुखू लागलं की घरगुती उपाय किंवा औषध, गोळ्या घेण्यास सुरुवात करतात. मात्र, अनेक उपचार केल्यानंतरही पोटदुखी काही केल्या थांबत नाही. परंतु, आपली आहारपद्धतीच चूकत असल्यामुळे ही समस्या काही केल्या पाठ सोडत नाही. म्हणूनच, पोट दुखत असताना कोणत्या पदार्थांचं सेवन व्यर्ज करावं ते जाणून घेऊयात. (foods-to-avoid-when-your-tummy-hurts-ssj93)

१. मसालेदार पदार्थ -

पोट दुखत असताना कधीही मसालेदार पदार्थ खाऊ नयेत. मसालेदार पदार्थांमुळे पोटात जळजळ होते. त्यामुळे पोट दुखत असताना कधीही मसालेदार पदार्थ खाऊ नयेत. यामुळे त्रास वाढण्याची शक्यता असते.

२. प्रोसेस फूड -

प्रोसेस फूड म्हणजे प्रक्रिया केलेले पदार्थ पोट दुखत असताना चुकूनही खाऊ नये. हे पदार्थ तयार करताना त्यात काही रासायनिक घटकांचा समावेश केलेला असतो. ज्यामुळे हे अन्न पचायला जड जातं. जर अन्न पचन नीट झालं नाही. तर पोटदुखीचा त्रास वाढू शकतो.

३. अॅसिडयुक्त खाद्यपदार्थ -

ज्या पदार्थांमध्ये आम्लता जास्त असतं ते पदार्थ पोट दुखत असताना खाऊ नये. त्यामुळे पोटदुखी वाढू शकते. पोट दुखत असताना खासकरुन अननस, टोमॅटो, संत्री खाऊ नयेत.

४. कॅफीनयुक्त पदार्थ -

पोट दुखत असताना कॉफी किंवा कॅफीनयुक्त पदार्थ चुकूनही खाऊ नका. त्यामुळे अॅसिडीटी वाढण्याची शक्यता असते.

५. हायफायबर फूड -

ज्या पदार्थांमध्ये फायबरचं प्रमाण जास्त असतं ते पदार्थ पोट दुखीच्या काळात कटाक्षाने टाळा.