Hair Care: केस विंचरण्यासाठी प्लास्टिक नाही लाकडी कंगवा वापरा, होतील जबरदस्त फायदे

केस विंचरण्यासाठी कंगवा हे महत्वाचे साधन आहे. कंगवा ही आपल्या आयुष्यात लागणारी सर्वात उपयुक्त गोष्ट आहे. केस विंचरण्यासाठी, केसांचे आरोग्य राखण्यासाठी, केसांतील गुंता सोडवण्यासाठी अशा विविध कारणांसाठी आपण रोज कंगव्याचा वापर करत असतो.

बदलत्या ऋतूंमध्ये केस गळणे ही एक सामान्य गोष्ट आहे. या कारणास्तव, लोक आणि विशेषत: महिला विविध प्रकारचे हेयर ट्रीटमेंट  करून त्यांच्या केसांची काळजी घेतात.

या ट्रीटमेंटचा तुमच्या केसांवर चांगला परिणाम होईलच असे नाही. अनेक वेळा ते केसांना इजा करतात. अशा परिस्थितीत आज आम्ही तुम्हाला अशाच एका गोष्टीबद्दल सांगणार आहोत, ज्याचा वापर करून तुमच्या केसांच्या अनेक समस्या कमी होऊ शकतात.

खरं तर, प्रत्येकजण आपले केस वाढवण्यासाठी कंगवा वापरतो. लोक लक्ष देत नाहीत पण कंगव्याच्या क्वालिटीचा तुमच्या केसांवर खोलवर परिणाम होतो. अशा परिस्थितीत, तज्ञ अनेकदा लाकडी कंगवा वापरण्याची शिफारस करतात. होय, केस विंचरण्यासाठी लाकडी कंगवा सर्वोत्तम मानला जातो. यामध्ये अनेक प्रकारचे गुणधर्म आढळतात, जे केसांशी संबंधित सर्व समस्या दूर करतात.

केसांचा गुंता निघून जाईल

प्लॅस्टिकच्या कंगव्याने केसांचा गुंता तर दूर होतो, पण केस पुन्हा फ्रिजी होतात, त्यानंतर केस गळायला लागतात. अशा परिस्थितीत जर तुम्ही लाकडी कंगवा वापरलात तर केस विंचरण्यासाठी कोणतीही अडचण येणार नाही आणि केस गळणार नाहीत.

ब्लड सर्कुलेशन चांगले होईल

लाकडी कंगवा हा नैसर्गिक लाकडापासून बनलेला असल्यामुळे लाकडी कंगवा जास्त टोकदार नसतो. ज्यामुळे लाकडी कंगव्याने केस विंचरल्यामुळे आपल्या स्कॅल्पवर जखमा होत नाहीत.याउलट लाकडामुळे तुमच्या केसांच्या मुळांखालील रक्ताभिसरण योग्य पद्धतीने होते.

संसर्गाचा धोका कमी होतो

लाकडी कंगव्यामध्ये अनेक नैसर्गिक अँटी-बॅक्टेरियल गुणधर्म असतात, ज्यामुळे डोक्याला संसर्ग होण्याचा धोका कमी होतो.

केसांची वाढ होण्यास मदत होते

तेल लावल्यावर केस लाकडी कंगव्याने विंचरल्यामुळे केसांच्या मुळांना मालिश होते. ज्यामुळे केसांच्या वाढीवर चांगला परिणाम होतो. केसांची घनता आणि लांबी यामुळे वाढू लागते.