Benefits of Bhujangasana : नियमित योगा केल्याने आपल्या शरीराला अनेक फायदे होतात. शारिरीक आणि मानसिक आरोग्य चांगले राहण्यास मदत होते. आरोग्याच्या विविध समस्या दूर करण्यासाठी योगाची मदत घेतली जाऊ शकते. योगासनांमध्ये देखील विविध प्रकारची योगासने आहेत. यापैकीच एक असलेले योगासन म्हणजे भूजंगासन होय.
भूजंगासन हे योगासन केल्याने आरोग्याला अनेक फायदे होतात. या योगासनाचा सराव सर्व वयोगटातील लोक करू शकतात. नियमितपणे हे योगासन केल्याने त्याचा शारिरीक आणि मानसिक आरोग्यावर परिणाम होतो. पाठीच्या समस्या दूर करण्यासाठी हे एक प्रभावी योगासन आहे.
यासोबतच हे योगासन किडनी, यकृत आणि फुफ्फुसांनाही निरोगी बनवते. जर तुम्हाला पचनाच्या समस्या असतील तर तुम्ही रोज या योगासनाचा सराव करू शकतात. आज आपण हे योगासन करण्याची योग्य पद्धत कोणती? आणि त्याचे फायदे काय आहेत? चला तर मग जाणून घेऊयात.
भूजंगासन हे योगासन करण्यासाठी सर्वात आधी योगा मॅटवर पोटावर सरळ झोपा आणि पायांमध्ये थोडे अंतर ठेवा.
आता तुमचे दोन्ही हात छातीजवळ नेऊन हाताचे तळवे जमिनीला समांतर ठेवा.
आता दीर्घ श्वास घेऊन पोट वरच्या दिशेने उचला आणि आकाशाकडे पाहा.
काही सेकंद या स्थितीमध्ये राहिल्यावर तुम्हाला शरीरात ताण जाणवेल.
या दरम्यान सामान्यपणे श्वासोच्छवास घेत राहा.
त्यानंतर, पुन्हा सामान्य स्थितीमध्ये या.
हा सराव २-३ वेळा करा.
योगा तज्ज्ञांच्या मते हे योगासन केल्याने पाठीचे स्नायू निरोगी ठेवण्यास मदत होते.
आपल्या शरीराची पचनक्षमता, यकृत आणि किडनीच्या कार्यांमध्ये सुधारणा करण्यासाठी हे योगासन फायदेशीर मानले जाते.
नियमितपणे हे योगासन केल्याने पाठीचा कणा ताठ राहण्यास मदत होते.
हे योगासन करताना छाती, फुफ्फुसे, खांदे आणि पोटाचे स्नायू ताणले जातात. त्यामुळे, शरीराला आराम मिळतो.
नियमितपणे हे योगासन केल्याने ताण-तणाव आणि थकवा दूर होतो.
हे योगासन दररोज केल्याने अनियमित मासिक पाळीची समस्या दूर होण्यास मदत होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
