मधुमेह हा आता सर्वसामान्य आजार झाला आहे. एकदा का जर मधुमेह झाला तर त्यातून सुटका होणे अशक्य आहे. मात्र, योग्य जीवनशैलीचे पालन करून मधुमेहाला नियंत्रणात ठेवता येते. WHO च्या मते, मधुमेहाची समस्या ही जगातील गंभीर समस्यांपैकी एक आहे.
खरंतर हा आजार वाढला की यावर मार्ग शोधले जातात. पण, जेव्हा शरीरातील रक्तातील साखरेचे प्रमाण असंतुलित होते, तेव्हा त्याची काही लक्षणे दिसू लागतात. चला जाणून घेऊया त्या लक्षणांबद्दल.
रक्तातील साखर कमी झाल्यास डोकेदुखी होते.
थरथरणे, चक्कर येणे, भूक, चिडचिड, हृदयाचे ठोके वाढणे, त्वचा पिवळी पडणे, घाम येणे आणि अशक्तपणा हे देखील लो शुगरची लक्षणे आहेत.
ब्लड शुगर लो झाल्यावर वेळीच उपचार न केल्यास कोमात जाण्याचा धोका असतो.
लो ब्लड शुगर अनेक कारणांमुळे होऊ शकते.
औषधे आणि इन्सुलिन इंजेक्शन्सच्या अतिवापरामुळे साखरेची पातळी कमी होऊ शकते.
मधुमेही रुग्णांनी अन्न वगळल्यास किंवा कमी खाल्ल्यास रक्तातील साखर कमी होऊ शकते.
1. डॉक्टरांच्या सल्ल्यानुसार दररोज ब्लड शुगर चेक करा.
2. घरातून बाहेर पडण्यापूर्वी नाश्ता करा.
3. रक्तातील साखर कमी असताना कार्बोहायड्रेटयुक्त स्नॅक्स खा.
4. रक्तातील साखर कमी असल्यास ती वाढवण्यासाठी मिठाई किंवा चॉकलेट खाऊ नका. साखर, गूळ, ग्लुकोज पावडरचे सेवन करा.
5. तुम्ही अर्धा कप फळांचा रस पिऊ शकता.
6. एक कप दूध प्या. तुम्ही एक चमचा मध देखील घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
