Health Care News : 'या' 6 प्रकारच्या पदार्थांच्या सेवनाने वाढतो मूळव्याधाचा त्रास! जाणून घ्या

चुकीची जीवनशैली आणि खाण्यापिण्याच्या चुकीच्या सवयींमुळे मूळव्याधची समस्या उद्भवते. या आजाराचे सर्वात मोठे कारण म्हणजे बद्धकोष्ठता. ही खूप सामान्य समस्या बनली आहे. मूळव्याध झाल्यास त्या व्यक्तीला खूप त्रास सहन करावा लागतो, अनेक वेळेस असह्य वेदनाही होतात.

तसेच यामुळे रक्तस्त्राव होतो आणि उठणे-बसण्यास त्रास होतो. आजाराच्या सुरुवातीच्या टप्प्यात खाण्यापिण्याची काळजी घेतली तर या समस्येपासून मुक्ती मिळू शकते. मूळव्याधाचा त्रास असेल तर काही पदार्थ खाणे टाळणे हे अत्यंत गरजेचे आहे.

मूळव्याधाचा त्रास असेल तर हे पदार्थ टाळा

मुळव्याधची समस्या असल्यास कॉफी आणि चहाचे सेवन अजिबात करू नये, कारण चहा आणि कॉफीमध्ये कॅफिन मोठ्या प्रमाणात आढळते. कॅफिनमुळे शरीराचे निर्जलीकरण होऊ शकते, त्यामुळे मलविसर्जनात अडचण येते आणि अशावेळी मूळव्याधची लक्षणे तीव्र होतात.

मैद्यापासून बनवलेल्या अन्नपदार्थांचे सेवन करू नये. त्यात कार्बोहायड्रेट्सचे प्रमाण खूप जास्त असते, जे पचायला सोपे नसते. त्यामुळे बद्धकोष्ठता वाढू शकते. आणि मूळव्याधची लक्षणे वाढू शकतात.

मूळव्याधाचा त्रास होत असेल तर मसालेदार पदार्थ टाळावे. त्यामुळे पचनक्रियाही बिघडते. त्याचसोबत जळजळ होण्याचा धोकाही वाढतो. म्हणून तेलकट आणि मसालेदार पदार्थ कमीत कमी खावेत.

लाल मांस आणि अंडी यांसारखे उच्च प्रथिनयुक्त आहार देखील टाळावा. प्रथिनांचे सेवन केल्याने पचन बिघडू शकते. प्रथिने नीट पचत नाहीत, त्यामुळे बद्धकोष्ठता आणि वेदना होतात.

मूळव्याधाचा त्रास होत असेल तर त्यांनी मसूर डाळ खाणे देखील टाळावे. कारण त्यात प्रथिने मुबलक प्रमाणात आढळतात. ते पचायला कठीण असतं. यामुळे बद्धकोष्ठता निर्माण होते, जी मूळव्याधच्या रुग्णांसाठी खूप हानिकारक आहे.

धूम्रपान करणे तसेच गुटखा खाणे हे देखील शरीरासाठी त्रासदायक ठरू शकते. यामुळे मूळव्याधाचा त्रास अधिक वाढू शकतो. त्यामुळे मूळव्याधापासून सुटका हवी असेल तर धूम्रपामन करणे तसचे गुटखा खाणे या सवयी ताबडतोब बंद कराव्यात.