Yogasan : जर तुम्हाला तुमच्या मुलांची उंची वाढवायची असेल तर आजपासूनच करा 'हे' योगासन

आपल्या व्यक्तिमत्वाची छाप समाेरच्या व्यक्तीवर पाडायची असेल, तर त्यात आपल्या उंचीची भूमिका खूप महत्त्वाची ठरते. त्यामुळे आपल्या मुलांची उंची खूप जास्त नसली तर त्यांना काळजी वाटते. अनेक पालक आपल्या मुलांच्या उंचीबद्दल खूप काळजीत असतात. ते प्रत्येक गोष्ट करतात ज्यामुळे त्यांच्या मुलाची उंची वाढेल.

अशावेळी तुम्ही त्याच्या दैनंदिन खाण्यातील दिनचर्येत काही बदल करु शकता. तसेच यावर एक सर्वोत्तम उपाय म्हणून तुम्ही त्याला काही योगासनांची सवय लावू शकता. अनेकवेळा एखाद्याची उंची ही अनुवांशिकता यावर आधारित असू शकते.

2 वर्षांच्या वयानंतर मुलांची उंची दरवर्षी 2.5 इंचाने वाढते. जेव्हा मुलांमध्ये तारुण्य येते तेव्हा त्यांची उंची अधिक वेगाने वाढते. आणि मुलींची उंची वाढणे खुंटायला सुरु होते.

सर्व वयोगटातील लोकांनी योगा करणे आवश्यक असल्याचे सांगितले जाते. त्यामुळे योगासन करणे हे जीवनशैलीत समावेश केला पाहिजे. योगाद्वारे उंची वाढवण्याचे गुणधर्म आज आपण जाणून घेणार आहोत.

म्हणूनच मुलांची उंची वाढत नसेल, तर त्यांच्या पालकांना चिंता वाटू लागते. तुमच्याही मुलांची उंची कमी असेल, तर त्यांना पुढील काही योगासने नियमितपणे करायला लावा. उंची वाढण्यास निश्चितच मदत होईल.

एकपादासन योग

जर तुम्हाला तुमच्या मुलाची उंची चांगली असावी किंवा वाढावी असे वाटत असेल तर त्याला रोज एकापदासन हा योग प्रकार करायला सांगा. यासाठी सुरुवातील सरळ उभे राहणे गरजेचे आहे. यानंतर तुमचा उजवा पाय उचलून स्नायू आणि पाठीचा कणा मजबूत होईल.

यासाठी सुरुवातील सरळ उभे राहा. तुमचा उजवा पाय उचला आणि डाव्या मांडीला हलवत रहा. यानंतर डाव्या पायावर शरीराचे वजन संतुलित ठेवा. उजवा पाय तुमच्या ओटीपोटाच्या जवळ ठेवा. त्यानंतर तुमचे दोन्ही हात वरच्या बाजूला जोडून तुम्हाला सूर्यनमस्काराच्या आसनात उभे राहावे लागेल.

ताडासन

हा आसन प्रकार करण्यासाठी सर्वप्रथम सरळ उभे राहावे. मग आपले पाय एकत्र करून यानंतर दोन्ही हात बाजूला ठेवावे लागतील. मग आपले तळवे वर करून यानंतर श्वास घेताना दोन्ही बोटांच्या बळावर उभे राहून शरीराला वर खेचावे. मग सामान्य स्थितीत या.