वजन कमी करणे हे अनेकांसाठी एक मोठे आव्हान असते. वजन कमी करायचे या नादात आपण कधी व्यायाम, कधी डाएट तर कधी आणखी काही उपाय करतो. लठ्ठपणामुळे अनेक गंभीर आजारांचा धोका देखील निर्माण होतो.
वजन कमी करण्यासाठी, आपल्याला स्ट्रिक्ट डायट आणि हेवी एक्सरसाइजचा अवलंब करावा लागतो, परंतु बरेचदा आपण विचार न करता आणि कोणत्याही आरोग्य तज्ञाचा सल्ला ना घेता वजन कमी करण्याची प्रक्रिया सुरू करतो. चला जाणून घेऊया स्लिम व्हायचे असताना आपण कोणत्या 3 चुका करतो, ज्यामुळे सर्व मेहनत व्यर्थ जाते.
वजन कमी करताना अशा चुका करू नका
1. कार्ब्स फूड्स खाण्याची भीती
शिजवलेला भात, इडली, उपमा, पोहे यासारख्या गोष्टी खाण्यापासून दूर राहू लागतो. असे प्रयत्न त्वरित थांबवले पाहिजेत. जर तुम्ही तुमच्या आहारातून कार्बोहायड्रेट पूर्णपणे काढून टाकले तर तुम्हाला दिवसभर काम करण्याची ऊर्जा मिळणार नाही, ज्यामुळे थकवा आणि सुस्तीची भावना निर्माण होईल.
2. बिंज ईटिंग डिसऑर्डर
अनेक लोक आपल्या शरीराचा आणि सौंदर्याचा सकारात्मक विचार करत नाहीत. वजन कमी करण्यासाठी ते स्वतःला बराच वेळ उपाशी ठेवतात आणि नंतर एक वेळ येतो जेव्हा त्यांना खूप भूक लागते आणि ते खूप खातात. असे करणे आरोग्यासाठी चांगले नाही.
3. डिसफंक्शनल एक्सरसाइज
वजन कमी करण्यासाठी आपल्याला खूप व्यायामाची गरज आहे यात शंका नाही, परंतु विचार न करता व्यायाम केल्याने कोणतेही परिणाम मिळत नाहीत. सकस आहार आणि पुरेशी झोप घेतली तरच तुम्हाला व्यायामाचा लाभ मिळेल.
या गोष्टींची काळजी घ्या
जर तुमचे वजन कमी होत असेल, तर चांगल्या परिणामांसाठी डाएट करण्याऐवजी पुरेशा प्रमाणात घरगुती आहार घ्या. आपल्या शरीराला आवश्यक तेवढा व्यायाम करा. यासोबतच सकारात्मक मानसिकताही महत्त्वाची आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
