हिवाळ्यात ड्राय फ्रुटचे सेवन करणे गरजेचे आहे. ड्राय फ्रुटपासून बनवलेला हलवा लोक अनेक प्रकारे खातात. मात्र, ड्राय फ्रुट आरोग्यासाठी अनेक फायदेही देतो. थंडीमध्ये हे खाल्ल्याने शरीरात उष्णता राहते. ड्राय फ्रुटमध्ये खजूर प्रथम येतात. पण हिवाळ्यात खजूर खाण्याबाबत अनेकांच्या मनात संभ्रम असतो.
आज आम्ही तुम्हाला हिवाळ्यात खजूर खाल्ल्याने शरीराला कोणते फायदे मिळतात ते सांगणार आहोत. हिवाळा सुरू होताच बाजारात खजूर येतात. खजूर हे पोषक तत्वांचे भांडार आहे. त्यामुळे अनेक समस्यांपासून बचाव होतो. चला जाणून घेऊया त्याचे फायदे...
पचनक्रिया सुरळीत होते
पोट निरोगी ठेवण्यासाठी खजुराचे सेवन करणे खूप फायदेशीर आहे. कारण खजुरात भरपूर प्रमाणात फायबर असते. खजूर खाल्ल्याने पचनाच्या समस्या दूर होतात आणि पोट निरोगी राहण्यास देखील मदत मिळते. पोटातील गॅस, अपचन, यासह इतर अनेक समस्या दूर करण्यासाठी खजूर खूप फायदेशीर आहे.
मधुमेह नियंत्रणात
काही लोकांना हिवाळ्यात मिठाईची तीव्र इच्छा असते. अशा परिस्थितीत साखरेचे रुग्ण हवे तसे गोड खाऊ शकत नाहीत कारण साखरेची पातळी वाढण्याचा धोका असतो. पण खजूर हे असे ड्रायफ्रूट आहे की रोज खाल्ल्यास मधुमेहाच्या रुग्णांना कोणताही त्रास होत नाही. मधुमेहाच्या रुग्णांसाठीही खजूर खूप फायदेशीर आहे. त्यातील ग्लायसेमिक इंडेक्स खूपच कमी आहे.
सर्दी-खोकल्यापासून संरक्षण
हिवाळ्यात खजूर खाल्ल्यास किंवा दुधासोबत खाल्ल्यास सर्दी-खोकल्याची समस्याही दूर होते. या ऋतूमध्ये बहुतांश लोक सर्दी-खोकल्याला बळी पडतात. ही सर्व लक्षणे दूर करण्यासाठी खजूर प्रभावी आहेत. कारण त्यात अनेक पोषक घटक असतात, जे रोगप्रतिकारक शक्ती मजबूत करतात.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
