![Heat Wave](http://media.assettype.com/esakal%2F2024-05%2F29ee85e3-2d71-4500-ae66-f5fb74b092c5%2FSakal_Web_Story__1200_x_675_px____2024_05_27T102602_344.jpg?w=480&auto=format%2Ccompress&fit=max)
Summer Care Tips: तापमानात सतत होणाऱ्या वाढीमुळे अनेक समस्या सामोरे जावे लागत आहे. लोकांना घराबाहेर पडणे कठीण झाले आहे. उन्हामुळे लोकांना दिवसाच नाही तर रात्रीही आराम मिळत नाही. देशातील अनेक राज्ये आणि शहरांमध्ये पारा 50 अंशांपर्यंत पोहोचण्याचा अंदाज आहे. आरोग्य मंत्रालयाने ऑफिसमध्ये देखील अति उष्णता आणि उष्णतेच्या लाटेपासून स्वतःचे संरक्षण करण्यासाठी आवश्यक सुरक्षा उपायांचा अवलंब करण्याचा सल्ला दिला आहे. यामुळे कर्मचाऱ्यांना कोणतीही अडचण येणार नाही.
आरोग्य मंत्रालयाने त्यांच्या एक्स या सोशल मिडिया अकाउंटवर एक पोस्ट शेअर केली आहे, ज्यामध्ये त्यांनी ऑफिसमध्ये पिण्याच्या पाण्याची समान सुविधा देण्यास सांगितले आहे. तसेच, कर्मचाऱ्यांना कडक उन्हात बाहेर कामासाठी पाठवणे टाळण्यास सांगितले आहे. जेव्हा हवामान थंड असेल तेव्हाच बाहेरील कामास पाठवावे तसेच कर्मचाऱ्यांना विश्रांती करायला वेळ द्यावा.
आरोग्य मंत्रालयाने कर्मचाऱ्यांना उष्माघात झाल्यास कोणती लक्षणे दिसतात याचे प्रशिक्षण देण्याचा सल्लाही दिला आहे. डोकेदुखी, चक्कर येणे, डिहायड्रेशन आणि श्वसना संबंधित समस्या ही उष्माघाताशी संबंधित आजाराची सामान्य लक्षणे आहेत.
शरीरात पाण्याची पातळी कमी होणे, डोकेदुखी, चक्कर येणे आणि श्वास घेण्यास त्रास होणे ही उष्माघाताची सामान्य लक्षणे आहेत. याशिवाय उष्माघातामुळे जुलाब , टायफॉइड, त्वचा संक्रमण यांसारख्या समस्यांचीही उद्भवू शकतात. उन्हाळ्यात या समस्यांपासून स्वतःचा बचाव करण्यासाठी काही गोष्टींची काळजी घेणे गरजेचे आहे.
काही लोकांना उष्माघाताचा धोका अधिक असतो. जे लोक खूप मद्यपान करतात, पुरेसे पाणी पीत नाहीत, तसेच हृदय व मूत्रपिंडाच्या आजाराने त्रस्त असतात अशा लोकांना उष्माघात लवकर होतो.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.