Healthy Recipe :
तुम्ही दररोज नाश्ता करत असाल तर ही एक चांगली सवय आहे. कारण, जे आपल्या आरोग्याविषयी जागरूक आहेत त्यांना ही गोष्ट माहितीय की, दररोज नाश्ता हा केलाच पाहिजे. आहारशास्त्रात असं सांगितलंय की, नाश्ता भरपूर, दुपारचे जेवण थोडे कमी अन् रात्रीचे अति कमी असावे.
आहाराचा हा नियम जो कोणी पाळतो तो व्यक्ती निरोगी असतो. पण, तुम्ही नाश्त्याला काय खाता यावरही निरोगी जीवनाचा मूलमंत्र अवलंबून असतो. तुम्ही नाश्त्यासाठी आरोग्यादायी पर्याय म्हणून दही-पोह्यांचा विचार करू शकता. ही हेल्दी रेसिपी कशी बनवायची हे पाहुया. (Healthy Breakfast Recipe)
२ वाट्या जाडसर पोहे, ३ ते ४ हिरव्या मिरच्या, ४ वाट्या गोड घट्ट दही, तूप अथवा रिफाईंड तेल, जिरे, कढीलिंब, हिंग, फोडणी, चवीनुसार मीठ व साखर, कोथिंबीर.
पोहे स्वच्छ निवडून घ्यावेत. दही घुसळून त्यात चवीनुसार मीठ, साखर, वाटलेली मिरची घालून तूप, जिरे, हिंग, कढीलिंबाची फोडणी घालून दही पोह्यावर घालावे. नीट कालवून कोथिंबीर घालून खाण्यास द्यावेत.
पोहे न धुता दह्यात घातल्याने चवीला सुरेख लागतात. खायला द्यायच्या आधी १० ते १५ मिनिटे पोहे दह्यात घालावेत म्हणजे मऊसर होतील. पोहे खूप जाड असले तर धुवून दह्यात घालायला हरकत नाही. मात्र खूप वेळ व जास्त पाण्यात धुवू नयेत.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.