High Cholesterol : निरोगी राहण्यासाठी कोलेस्टेरॉलची पातळी नियंत्रित ठेवणे खूप गरजेचे आहे. शरीरात दोन प्रकारचे कोलेस्टेरॉल असते. एक म्हणजे Good Cholesterol आणि दुसरे म्हणजे Bad Cholesterol होय.
गुड कोलेस्टेरॉल शरीर निरोगी ठेवण्यास मदत करते, तर बॅड कोलेस्टेरॉल आरोग्यासाठी धोकादायक आहे. चला तर मग जाणून घेऊया कोलेस्टेरॉलची पातळी सामान्य ठेवण्यासाठी कोणत्या गोष्टींचे सेवन करावे.
शरीरात असलेले हेल्दी कोलेस्ट्रॉल तुम्हाला अनेक आजारांपासून वाचवते तर खराब कोलेस्ट्रॉलमुळे स्ट्रोक आणि कार्डियाक अरेस्ट सारख्या गंभीर आरोग्य समस्यांचा धोकाही वाढतो. जर तुम्हीही उच्च कोलेस्ट्रॉलच्या समस्येने त्रस्त असाल तर ते कमी करण्यासाठी तुम्ही या फळांचे सेवन करू शकता.
कोलेस्टेरॉल वाढल्याची लक्षणे
मळमळणे
शरीर सुन्न पडणे
खूप थकवा जाणवणे
अचानक छातीत दुखायला लागणे
श्वास घेण्यास समस्या निर्माण होणे
हात पाय थंड पडणे
उच्च रक्तदाबाची समस्या निर्माण होणे.
ही फळे खा
सफरचंद
कोलेस्ट्रॉल कमी करण्यासाठी सफरचंद हे खूप फायदेशीर फळ आहे. यामध्ये विरघळणारे फायबर भरपूर प्रमाणात असते, जे आपले हृदय निरोगी ठेवते. याशिवाय सफरचंदात असलेले पॉलिफेनॉल कोलेस्टेरॉलची पातळी कमी करण्यास मदत करतात.
केळी
केळीमध्ये फायबर आणि पोटॅशियमचे प्रमाण जास्त असते. जे कोलेस्टेरॉल आणि ब्लड प्रेशरची पातळी कमी करण्यासाठी उपयुक्त आहे. केळीमध्ये असलेले विरघळणारे फायबर शरीराला निरोगी ठेवण्यासाठी खूप उपयुक्त आहे.
अननस
अननस हे जीवनसत्त्वे आणि खनिजांचा भरपूर स्रोत आहे. यामध्ये असलेले ब्रोमेलेन खराब कोलेस्ट्रॉल कमी करते, ज्यामुळे तुम्ही हृदयाशी संबंधित आजारांपासून दूर राहू शकता. ते ओलेइक ऍसिडने समृद्ध असतात, जे रक्तातील खराब कोलेस्टेरॉल नियंत्रित करण्यास मदत करते. याचा वापर तुम्ही सॅलड, सँडविच, टोस्ट, स्मूदी इत्यादींमध्ये वापरू शकता.
लिंबूवर्गीय फळे
लिंबूवर्गीय फळांमध्ये व्हिटॅमिन सी आणि फायबर मुबलक प्रमाणात असते. यामध्ये अँटिऑक्सिडंट गुणधर्म आढळतात. जे हानिकारक एलडीएल कोलेस्ट्रॉल आणि ट्रायग्लिसराइड्स कमी करण्यास मदत करतात. याशिवाय व्हिटॅमिन सी हृदयविकार आणि रक्तदाबाचा धोका टाळते.
चाळीशीनंतर ही काळजी घ्यावी
नॅशनल हार्ट लंग एंड ब्लड इंस्टीट्यूट (एनएचएलबीआई) यांनी असा सल्ला दिला आहे की, पुरुषांना ज्यांचे वय 45 ते 65 वर्षे आहे त्यांनी आणि स्त्रिया ज्यांचे वय 55 ते 64 वर्षे आहे त्यांनी दर एक ते दोन वर्षांनी ब्लड टेस्ट केली पाहिजे. जर तुमचे वय 65 वर्षांपेक्षा अधिक आहे तर मात्र तुम्ही दर वर्षी कोलेस्टेरॉलची टेस्ट केलीच पाहिजे असे जाणकार सांगतात.(Bad Cholesterol)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
