आरोग्यासाठी चांगलं असतं, वजन कमी होतं, पित्त, जळजळ कमी होते म्हणून अनेक लोक सकाळी उठल्यावर कोमट पाणी पितात. वजन कमी करणाऱ्या लोकांच्या तर हा जीवनाचा भाग बनला आहे. गरम पाणी पिणे आरोग्यासाठी चांगलं असतं. मात्र, काही लोकांनी गरम पाण्यापासून दूर राहण्यातच शहाणपणा असतो.
गरम पाण्यात चयापचय सुधारण्याची, पचनशक्ती वाढवण्याची, अस्वस्थता कमी करण्याची आणि विश्रांती देण्याची क्षमता असते. हे फायदे मिळविण्यासाठी, विशेषतः हिवाळ्यात, बहुतेक लोक गरम पाण्याचे सेवन करतात. पण गरम पाणी प्यायल्याने काही आरोग्यविषयक समस्या उद्भवू शकतात.
हिवाळ्यात थंडी पडू लागते तर दुपारच्यावेळी कडक उन असतं. अशावेळी आपल्याला साथीचे आजार होतात. सर्दी आणि खोकला मोठ्या प्रमाणावर होतो. सर्दी खोकला झाल्यास गरम पाणी पिणे टाळावे. यामुळे घशात सूज आणि जळजळ होऊ शकते. त्यामुळे तब्येत बिघडू शकते. या काळात कोमट पाणी प्यावे.
लहान मुलांच्या आरोग्यावर ऋतूबदलाचा थेट परिणाम होतो. त्यामुळे मुलं आजारी पडतात. अशातच तुम्ही मुलांना गरम पाणी देऊ नका. लहान मुलांनी गरम पाणी पिऊ नये. कारण मुलांची पचनसंस्था अतिशय नाजूक असते ज्यामुळे त्यांच्या पचनशक्तीवर परिणाम होतो.
इतर शारीरिक व्याधींमध्ये यकृताचा आजार असलेल्या लोकांनी विशेष काळजी घ्यावी लागते. कारण, त्यांना खाण्या-पिण्याच्या पदार्थात बदल झाला तर त्रास होऊ शकतो. त्यामुळे यकृताच्या रूग्णांनीही गरम पाणी पिऊ नये. त्यामुळे यकृतावर अतिरिक्त दबाव पडतो. त्यामुळे तुम्हाला आरोग्याशी संबंधित इतर समस्या उद्भवू शकतात.
काहीवेळा खाण्याच्या चुकीच्या सवयी, दातांची योग्य काळजी न घेतल्याने तुमचे दात संवेदनशील होतात. त्यांना अती थंड, अती गरम पदार्थ, पाणी सहन होत नाही. तेव्हा दातांतून तिव्र वेदना होऊ शकतात. त्यामुळे, आपण फक्त सामान्य पाणी प्यावे. त्यामुळे आतापासून या गोष्टींची काळजी घेऊन तुम्ही तुमचे आरोग्य बिघडण्यापासून वाचवू शकता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
