Relationship Tips : तुमच्या पहिल्या प्रेमाबद्दल आई-वडिलांना कसं सांगाल ?

मुंबई : तुमच्या प्रियकराबद्दल/ प्रेयसीबद्दल तुमच्या पालकांना सांगणे कदाचित सोपे नसेल, विशेषतः तुम्ही किशोरवयीन असल्यास. त्यांना तुमच्याबद्दल काळजी वाटेल आणि तुमचे नाते नाकारले जाऊ शकते.

आपल्या पालकांच्या प्रतिक्रियेबद्दल चिंताग्रस्त होणे स्वाभाविक आहे परंतु आपल्या पालकांना आपल्या नातेसंबंधाबद्दल सांगण्यापासून परावृत्त होऊ नका कारण शेवटी, त्यांना कुठूनतरी कळेलच.

जर त्यांना दुसर्‍या कोणाकडून कळले तर आपल्या मुलाने आपल्यापासून काहीतरी लपवले याचे त्यांना वाईट वाटेल. त्यामुळे योग्य पद्धतीने वेळीच त्यांना सगळं सांगून टाका. हेही वाचा - जगायचं कसं हे सांगण्यासाठी हवं 'लिव्हिंग विल'

१. तुमचा जवळचा मित्र किंवा मैत्रीण म्हणून त्या व्यक्तीची पालकांशी सहज ओळख होईल याची काळजी घ्या. वाढदिवसाला किंवा घरातल्या एखाद्या कार्यक्रमाला इतर मित्रांसोबत आणि कधीकधी एकट्यालाच घरी बोलवा.

तुम्ही त्याच्यासोबत कुठे बाहेर जात असाल तर घरी तसा कळवा. यामुळे पालकांच्या मानसिकता हळूहळू त्याला स्वीकारण्यासाठी तयार होईल.

२. इतर गोष्टींशी संबंधित स्वत:चे निर्णय स्वत:च घ्या जेणेकरून तुम्ही पुरेसे मोठे झाला आहात हे पालकांना पटेल. परिणामी लग्नाचा निर्णय तुम्ही स्वत: घेत आहात हे स्वीकारणे त्यांना जड जाणार नाही.

३. तुमच्या मित्राचे किंवा मैत्रिणीचे काम पालकांना दिसेल याची काळजी घ्या. घरात त्याच्या कामाबद्दल बोला.

४. या व्यक्तीचा विचार तुम्ही भावी जोडीदार म्हणून केल्यास काय हरकत आहे हे पालकांना विचारा. जर त्यांनी मान्य केले तर खरं काय ते सांगून टाका. त्यांना नकार दिल्यास त्यामागील कारणांवर काम करा.

५. आईवडिलांपैकी कोण जास्त मोकळेपणाने बोलू शकेल याचा अंदाज घ्या. आधी एकाची मानसिक तयारी करून घ्या म्हणजे दुसऱ्याला पटवून देणे सोपे जाईल.

६. पालकांनी विचारलेल्या प्रश्नांची नाराज न होता सविस्तर, प्रामाणिक उत्तरं द्या.

७. पालकांकडून एकाएकी होकाराची अपेक्षा ठेवू नका. आधी त्यांना भेटण्यासाठी तयार करा.

८. भेट झाल्यानंतर पुन्हा एकदा त्यांच्याशी बोला.