नोकरी करणाऱ्या लोकांसाठी वैयक्तिक आणि व्यावसायिक आयुष्यात संतुलन ठेवणे अवघड होते. तुम्ही काही गोष्टी लक्षात ठेवल्यास आयुष्यात होणारे गोंधळ आणि अडचणी कमी करू शकता. जर तुम्हाला आयुष्यात कामाच्या तणावामुळे आरोग्यावर विपरित परिणाम होत असेल तर वर्क लाइफ बॅलन्ससाठी पुढील गोष्टी लक्षात ठेऊ शकता.
वर्क लाईफ बॅलन्स साधण्यासाठी काय करावे
मर्यादा ठरवा
काम आणि वैयक्तिक आयुष्य यांच्यात समतोल ठेवण्यासाठी मर्यादा ठरवाव्या. यासाठी घरी ऑफिसचे काम आणू नका. यामुळे वैयक्तिक आणि व्यावसायिक आयुष्यात संतुलन राहील.
स्वत:ला महत्व द्यावे
वर्क लाइफ बॅलन्स साधण्यासाठी स्वतःला महत्त्व द्यावे. कामाच्या तणावामुळे अनेक लोकांचे आरोग्याकडे दुर्लक्ष होते. आरोग्य निरोगी असेल तर तुम्ही कामावर लक्ष केंद्रित करू शकता.
गोष्टी शेअर करा
जेव्हा तुम्ही कामामुळे तणावामध्ये असता तेव्हा मनातील गोष्टी इतरांसोबत शेअर कराव्या. कारण मनातील गोष्टी शेअर केल्याने मन हलके होते आणि तणाव कमी होण्यास मदत मिळते. तुम्ही कुटूंबातील सदस्यांसोबत किंवा मित्रांसोबत गोष्टी शेअर करू शकता.
पोषक आहार
निरोगी आरोग्यासाठी पोषक आहार घेणे गरजेचे असते. कामामुळे अनेकवेळा खाण्या-पिण्याकडे दुर्लक्ष होते. यामुळे अनेक शारिरिक समस्या निर्माण होऊ शकतात. तुम्ही कामामुळे दुपारचे जेवण करू शकत नसाल तर सुकामेवा किंवा फळांचे सेवन करू शकता. यामुळे शरीराला ऊर्जा मिळते.
वेळेला महत्व द्या
कॉर्पोरेटमध्ये काम करणाऱ्या लोकांसाठी टाइमटेबल बनवणे गरजेचे आहे. यामुळे तुम्ही वेळेत काम पुर्ण करून वैयक्तिक आयुष्य आनंदाने जगू शकता.
ट्रिप प्लॅन करा
ऑफिसमधील कामाचा ताण कधीच कमी होत नाही. यामुळे कामातून विश्रांती घेऊन ट्रिप प्लॅन करावी. यामुळे कामाचा ताण कमी होऊन तुम्हाला फ्रेश वाटेल. यामुळे पुन्हा काम करताना नवा उत्साह राहतो.
योग करावा
योग केल्याने मन आणि डोक शांत राहते. तसेच अनेक आजार देखील दूर राहतात. नियमितपणे ध्यान, व्यायाम किंवा योग केल्याने ताण कमी होतो. यामुळे वर्क-लाईफ बॅलन्स साधण्यास मदत मिळते.
डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
