Perfect Jeans Tips: जीन्स आवडते तर आहे पण फिट बसत नाही? परफेक्ट जीन्ससाठी या टिप्स निवडा

Perfect Jeans Tips: ड्रेस कितीही आकर्षक असो, तो फिट बसला तरच आकर्षक वाटतो आणि आपणही त्यात जरा कम्फर्टेबल असतो. अनेकदा लोकांचं मत असतं की, आपण जेवढे ब्रॅंडेड आणि महागडे कपडे घेऊ ते तेवढे स्टायलिश आणि सुंदर असतात. 

पण ते खरंच आपल्याला फिट बसतात का? इतर कपडे फिट आहे की नाही हे तरी आपण सांगू शकतो पण जीन्स फिट आहे की नाही हे कसं ओळखायचं? 

जीन्स खरेदी करतांना या गोष्टींची काळजी घेतली पाहिजे.. (How To Buy Perfect Jeans)

१. ऑफलाईन शॉपिंगला प्राधान्य द्या 

जीन्स खरेदी करतांना ऑनलाईन खरेदी करण्यापेक्षा ऑफलाईन खरेदी करा, म्हणजे तुम्हाला त्याच कापड कसं आहे? याचा अंदाज येईल शिवाय तुम्ही ती ट्राय करून बघू शकता. 

२. किमान ३ साइज ट्राय करा

जेव्हा ट्रायल रूममध्ये जाऊन जीन्स ट्राय करता आहात, तेव्हा सोबत आपली रेग्युलर साइजची जीन्स नेतांना एक लहान आणि एक मोठी साइज पण घेऊन जा, तिन्ही साइजपैकी जी जीन्स ट्राय केल्यावर तुमचा बॉडीशेप परफेक्ट दिसतो आहे ती निवडा.  

३. स्लीम फिट जीन्स ट्राय करा 

बुटकट, स्ट्रेट फिट या प्रकारांऐवजी जर तुम्ही स्लिम फिट जीन्स रोजच्या परिधानासाठी घेतली तर ती तुमच्यासाठी योग्य ठरू शकते. ती जीन्स स्ट्रेचेबल असावी आणि फक्त तुमच्या साइजची असावी. या फिटमध्ये तुम्ही हाय राइज, मिड राइज किंवा लो राइज जीन्स निवडू शकता.

४. स्कीनी जीन्स नक्की घ्या

तुम्ही आजपर्यंत कधीही स्कीनी जीन्स ट्राय केली नसेल तर नक्की ट्राय करा, ही जीन्स प्रत्येका साइजमध्ये उपलब्ध आहे. आपल्या शरीरानुसार ही छान दिसते. 

५. लेंथचा विचार असूदेत 

अनेकदा असं होतं की जीन्स आपण घेतो आणि मग लक्षात येतं की ती उंचीला खूप लहान किंवा मोठी आहे, जे खरंतर नको.. आपल्या जीन्सची लेंथ नक्की किती हवी आहे हे ठरवून जीन्स विकत घ्या.