राखी पोर्णिमा म्हणजे 'रक्षाबंधन'. हा सण बहीण भावाच्या अतूट, उत्कट प्रेमाची आठवण करून देणारा दिवस. भावाचा उत्कर्ष व्हावा, आपल्या भावाने आपले रक्षण करावे, ही यामागची मंगल मनोकामना असते.
बहिण जेव्हा भावाल राखी बांधते त्यावेळी परंपरेनुसार औक्षण केले जाते. औक्षण करताना भावाने कुठल्या दिशेला बसावे, रक्षाबंधनापुर्वी औक्षण कसे करावे याविषयी आपण जाणून घेवूया.
राखी बांधताना कुठल्या दिशेला बसावे?
जेव्हा बहिण आपल्या भावाला राखी बांधत असेल तेव्हा भावाने पुर्व दिशेकडे मुख करुन जमिनीवर आसन टाकून त्यावर बसावे. बहिणीने पश्चिम दिशेकडे मुख करुन भावाच्या कपाळी कुंकू तथा चंदनाचा टिळा सोबत अक्षता याचे तिलक करावे. यानंतर भावाच्या उजव्या हातावर रक्षासूत्र म्हणजेच राखी बांधावी.
राखी बांधताना या मंत्राचा उच्चार करावा
येन बद्धो बली राजा दानवेन्द्रो महाबल:।
तेन त्वां अभिबन्धामि रक्षे मा चल मा चल।।
शास्त्रांप्रमाणे राखी बांधताना या मंत्राचा जप केल्याने इच्छित फळ प्राप्ती होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
