सबस्क्राईब करा
मुंबई : ऑफिसमध्ये सगळेच काम करतात, पण ऑफिसमध्ये सगळ्यांनाच तितकं महत्त्व मिळत नाही. कधी कधी हुशार व्यक्तीही ऑफिसमध्ये आपली प्रतिमा निर्माण करू शकत नाही. ज्याचा थेट परिणाम त्यांच्या प्रमोशन आणि करिअरवर होतो.
जेव्हा तुमची ऑफिसमधील प्रतिमा चांगली असते तेव्हा तुम्हाला आदर तर मिळतोच; पण लोक तुमच्या शब्दांना आणि विचारांनाही तितकेच महत्त्व देतात. एवढेच नाही तर कंपनी तुमच्याकडे एक महत्त्वाचे कर्मचारी म्हणूनही पाहते. जे तुमचे करिअर सेटल होण्यास मदत करते.
आपली व्यावसायिक प्रतिमा कशी सुधारायची ?
वेळेपूर्वी
ही एक छोटी टीप आहे, जी तुमच्यासाठी खूप उपयुक्त ठरू शकते. काही लोक पाच ते दहा मिनिटे उशिरा कार्यालयात येतात. त्यांना वाटतं की काही फरक पडत नाही. पण तुमची ही छोटीशी चूक तुमची प्रोफेशनल इमेज खराब करू शकते.
तुम्हाला तुमची ऑफिसची इमेज खरोखरच सुधारायची असेल तर, ऑफिसच्या नियमित वेळेच्या किमान दहा मिनिटे आधी पोहोचा. जेव्हा तुम्ही हे करता तेव्हा तुमच्या वरिष्ठांच्या लक्षात येते की तुम्ही तुमच्या कामाबद्दल खूप गंभीर आहात. अशा प्रकारे तुमची ऑफिसची प्रतिमा सुधारते.
सतत स्नॅकिंग टाळा
आपण सगळे ऑफिसमध्ये बराच वेळ बसून काम करतो. अशा परिस्थितीत मध्येच भूक लागणे स्वाभाविक आहे. सामान्यतः, या स्थितीत, लोक त्यांच्या कामाच्या टेबलावरच नाश्ता करू लागतात. मात्र, तुमच्या या सवयीमुळे तुम्ही अनप्रोफेशनल दिसू शकता.
म्हणूनच दुपारचे जेवण आणि नाश्ता ठरावीक वेळेवरच घ्यावा. तसेच वारंवार स्नॅक ब्रेक घेणे टाळा. याशिवाय कॅन्टीनमध्ये तासनतास घालवू नयेत.
तुमच्या कमतरतांवर मात करा
तुमच्या उणिवा इतरांपेक्षा वेगळ्या असू शकतात आणि अशा परिस्थितीत व्यावसायिक प्रतिमा सुधारण्यासाठी त्या उणीवा किंवा कमकुवतपणा दूर करणे आवश्यक असू शकते.
कदाचित तुम्ही तुमच्या कामात निष्णात असाल, पण तुम्ही तुमचे प्रेझेंटेशन सर्वांसमोर दाखवण्यास कचरता. अशा परिस्थितीत लोकांना तुमची प्रतिभा कळत नाही.
त्याचप्रमाणे, तुम्ही इंग्रजीमध्ये कमकुवत आहात किंवा तुम्ही स्वत:ला व्यवस्थित पेहराव करू शकत नाही, ज्यामुळे तुमच्या प्रतिमेवरही परिणाम होतो. त्यामुळे आधी तुमच्या कमतरता जाणून घ्या आणि मग त्या दूर करून तुमची ऑफिसमधील प्रतिमा सुधारा.
कम्फर्ट झोनमधून बाहेर या
ऑफिसमधील प्रतिमा सुधारण्यासाठी हे खूप महत्वाचे आहे. बहुतेक लोकांची सवय असते की त्यांना नेहमी त्यांच्या कम्फर्ट झोनमध्ये राहून काम करायला आवडते. त्यामुळेच ते काही नवीन करू शकत नाहीत किंवा त्यांची ऑफिसमधील प्रतिमा सुधारू शकत नाहीत.
तसेच, काही लोक त्यांच्या नवीन कार्यालयातील कामाची तुलना जुन्या कार्यालयाशी करतात. त्यांच्या या सवयीमुळे त्यांना नव्या कार्यालयात त्यांची प्रतिमा राखता येत नाही. त्यामुळे, नवीन आव्हान स्वीकारा आणि तुमच्या कम्फर्ट झोनमधून बाहेर पडून तुमची प्रतिमा सुधारा.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
