Mira Rajput Saree Collection: पार्टीमध्ये रॉयल आणि क्लासी दिसायचंय? मग मीरा राजपूतचे हे साडी लुक करा फॉलो

सुप्रसिद्ध अभिनेता शाहिद कपूरची पत्नी मीरा कपूर बॉलीवूडशी संबंधित नसली तरी तिचा फॅशन सेन्स बॉलीवूडच्या कार्यक्रमांमध्ये मोठ्या अभिनेत्रींना मागे टाकतो. तिच्या फॅशनचा एक्स फॅक्टर म्हणजे तिचा रॉयल आणि क्लासी लूक.

विशेषतः तिने साडी नेसली तर तिची स्टाइल पाहण्यासारखी असते. येथे आम्ही तुमच्यासोबत मीरा राजपूत कपूरचे साडीचे कलेक्शन शेअर करत आहोत, जे पाहून तुम्ही तुमच्या वॉर्डरोबमध्ये क्लासी आणि रॉयल साड्या देखील समाविष्ट करू शकता.

या निळ्या साडीत मीरा राजपूत राजकुमारीसारखी दिसत आहे. ऑर्गेन्झा आणि सिल्क बेस असलेल्या या इंडिगो साडीमध्ये जरदोजी आणि गोल्डन सिल्व्हर वर्कसह सुंदर फुलांची डिझाईन केलीआहे. मीरा या साडीत जितकी स्टायलिश आहे तितकीच क्लासी दिसत आहे.

मीराने केसांचे पोनीटेल बनवले आहे आणि गळ्यात कुंदन चोकर घातला आहे. एका हातात बांगडी आणि दुसऱ्या हातात पोतली डिझाईनची पर्स तिला परफेक्ट बनवत आहे.

येथे मीराने आयव्हरी रंगाची सुंदर साडी नेसली असून त्यावर रेशम आणि डोरीचे काम केले आहे. तिने या प्री-ड्रेप केलेल्या साडीसोबत आयव्हरी रंगाचा ब्लाउज परिधान केला आहे आणि तिचा लूक साधा ठेवला आहे. लूक रॉयल दिसण्यासाठी कानात हेवी मोत्याचे झुमके घालण्यात आले असून केस मोकळे ठेवण्यात आले आहेत. जर तुम्ही दिवसा पार्टीत जाणार असाल तर तुम्ही असा लुक तयार करू शकता.

मीराने येथे लेहेंगा स्टाइलची साडी परिधान केली आहे. या काळ्या रंगाच्या नेट साडीसोबत मीराने स्लीव्हलेस आणि फुल बॉडी टॉप स्टाइलचा ब्लाउज कॅरी केला आहे. तुम्ही पार्ट्यांमध्ये ही सिक्वेन्स्ड साडी सहजपणे नेसून पार्टीचा आनंद लुटू शकता.

या पिवळ्या रंगाच्या सिल्क साडीत मीरा एकदम रॉयल दिसत आहे. मीराने ही उत्कृष्ट दिसणारी साडी घातली असून तिच्या गळ्यात स्टोन वर्कचा हार आणि कानात मॅचिंग टॉप्स आहेत. मीराने मोकळे केस आणि मॅचिंग कट-स्लीव्ह ब्लाउजने तिचा लूक सिम्पल ठेवला आहे. हा लुक तुम्ही कोणत्याही फॅमिली गेट टूगेदर किंवा सणांमध्ये स्टाइल करू शकता.