Hair Growth Spray : केसांच्या वाढीसाठी फायदेशीर आहे ‘हा’ हेअर ग्रोथ स्प्रे, घरी बनवण्याची पद्धत घ्या जाणून

Hair Care Tips : सध्या केसगळतीमुळे अनेक महिला त्रस्त आहेत. केस तुटणे, केस गळणे आणि केस अकाली पांढरे होणे इत्यादी अनेक केसांच्या समस्या निर्माण झाल्या आहेत. या समस्या दूर करण्यासाठी आपण सर्वजण विविध प्रकारचे प्रयत्न करत असतो.

आयुर्वेदिक, घरगुती आणि मार्केटमधील केमिकल प्रॉडक्ट्स इत्यादी अनेक उपायांचा वापर करून आपण केसांची काळजी घेण्याचा प्रयत्न करत असतो. आतापर्यंत तुम्ही केसांच्य वाढीसाठी आणि केसांच्या समस्या दूर करण्यासाठी हेअर मास्क, हेअर पॅक इत्यादी अनेक प्रकारचे उपाय केले ही असतील.

मात्र, आज आम्ही तुम्हाला एका हेअर स्प्रेबद्दल सांगणार आहोत. हा हेअर स्प्रे तुमच्या केसांच्या वाढीसाठी फायदेशीर ठरेल, यात काही शंका नाही.

या हेअर स्प्रेमध्ये कोणत्याही रासायनिक घटकांचा वापर करण्यात आलेला नाही. हा पूर्णपणे नैसर्गिक घटकांनी बनवलेला हेअर स्प्रे आहे. चला तर मग जाणून घेऊयात हा हेअर स्प्रे करण्याची योग्य पद्धत आणि या हेअर स्प्रेसाठी लागणारे साहित्य कोणते?

हेअर स्प्रे बनवण्यासाठी लागणारे साहित्य खालीलप्रमाणे

• १ कप पाणी

• गाजराच्या बियांचे तेल – १ चमचा

• आर्गन ऑईल – १ चमचा

• पेपरमिंट इसेंन्शिअल ऑईल

• रोझमेरी इसेंन्शिअल ऑईल

• लवेंडर इसेंन्शिअल ऑईल

• विच हेजल – ४ चमचे

• स्प्रे बॉटल

हेअर स्प्रे बनवण्याची योग्य पद्धत खालीलप्रमाणे

• हेअर स्प्रेच्या बॉटलमध्ये विच हेजल टाका त्यानंतर, वरच्या बाजूस १ इंच पाणी भरा.

• आता, आर्गन तेल आणि गाजराच्या बियांचे तेल बाटलीमध्ये काळजीपूर्वक घाला आणि हलक्या हाताने बॉटल हलवा.

• केसांच्या वाढीसाठी या स्प्रेमध्ये सर्व आवश्य तेल, पेपरमिंट, रोझमेरी आणि लवेंडर इसेंन्शिअल ऑईल तुमच्या अंदाजाप्रमाणे घाला.

• बॉटल स्प्रेचे झाकण लावून घ्या. आता हे सर्व मिश्रण चांगल्या प्रकारे मिसळण्यासाठी बॉटल चांगली हलवून घ्या. त्यानंतर, याचा केसांवर वापर करा.