Vastu Tips: घरी अन् ऑफिसला माता लक्ष्मीचा फोटो लावताना 'या' चुका करू नका

Vastu Tips For lord Laxmi Photo: वास्तूशास्त्रात घरात सुख-शांती राहण्यासाठी विविध उपाय सांगितले जातात. तसेच माता लक्ष्मीचा फोटो लावताना कोणत्या गोष्टी लक्षात ठेवाव्या हे देखील सांगितले आहे. माता लक्ष्मीला धनाची देवी मानले जाते. मान्यतेनुसार माता लक्ष्मीची मनोभावे पूजा केल्यास घरातील आर्थिक समस्या कमी होतात. अनेक लोक दिवाळीत लक्ष्मीपूजनासाठी माता लक्ष्मीचा फोटो किंवा मूर्ती घरात लावतात. पण वास्तूनुसार माता लक्ष्मीचा फोटो घरात किंवा ऑफिसमध्ये लावताना कोणत्या चुका टाळल्या पाहिजेत हे जाणून घेऊया.

आजकाल बाजारात माता लक्ष्मीचे विविधे फोटो आणि मूर्ती पाहायला मिळतात. आधुनिक युगात टेक्नॉलॉजीचा वापर करून माता लक्ष्मीचे विविध फोटो बाजारात विकायला आले आहेत. बाजारात माता लक्ष्मीचा फोटो खरेदी करायला गेल्यावर अनेक लोक गोंधळून जातात. तसेच जी मुर्ती सुंदर आणि आकर्षक दिसते ती खरेदी करतात. जर तुम्ही देखील असे करत असाल तर वेळीच सावध व्हा.कारण यामुळे तुमच्या घरात आर्थिक समस्या वाढू शकतात.

पुढील चुका करणे टाळाव्यात

वास्तूनुसार घरात माता लक्ष्मी उभी असलेला फोटो कधीच लावू नका. असा फोटो घरात किंवा ऑफिसमध्ये लावल्यास नकारात्मक ऊर्जा वाढू शकते. तसेच आर्थिक समस्या वाढू शकतात.

घरात किंवा ऑफिसमध्ये माता लक्ष्मी बसलेल्या स्थितीत असलेला फोटो लावावा. यामुळे माता लक्ष्मी प्रसन्न होते. तसेच आर्थिक समस्या दूर होतात.

माता लक्ष्मीचा फोटो ईशान्य कोनात पूर्व किंवा उत्तर दिशेला लावणे शुभ मानले जाते.

माता लक्ष्मीची पूजा किंवा आरती करताना तुपाचा दिवा लावावा. यामुळे घरात साकारात्मक वातावरण राहते.

वास्तूनुसार माता लक्ष्मीचा फोटो चुकूनही अंधार असलेल्या ठिकाणी फोटो लावू नका.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.