International Coffee Day : कॉफीचा फ्लेवर आणि त्याचा स्मेल लोकांना फार आवडतो. अनेक रिसर्चमधून अशी माहिती पुढे आली आहे की कॉफी पिण्याचे अनेक फायदे आहेत. कॉफी हृदयरोगासह, मधुमेह, अल्झायमर आणि कँसरपर्यंतच्या आजारापासून बचावास मदत करते. मात्र कॉफीचे हे फायदे वाचून तुम्ही सकाळ संध्याकाळ कॉफी पित असाल तर ही आयडिया तुमच्या आरोग्यासाठी घातक ठरू शकते. सकाळी रिकाम्या पोटी कॉफी पिणे अनेक रोगांना बळी पडण्यास कारणीभूत ठरू शकते.
सकाळी रिकाम्या पोटी कॉफी पिण्याची सवय असेल तर त्यामुळे तुमची स्ट्रेस लेव्हल वाढू शकते. कॉफी प्यायल्याने कार्टिसोल हार्मोन्सचे प्रोडक्शन वाढते. जे स्ट्रेस वाढण्यास कारणीभूत ठरतात. ज्यामुळे तुम्ही सकाळी स्ट्रेस अनुभवता.
कार्टिसोल हार्मोन्स फक्त स्ट्रेसच वाढवत नाही तर त्यामुळे इतर आजारांनाही निमंत्रण देते. हार्मोनल इम्बॅलेंस महिलांमध्ये ओव्हेल्यूशनची समस्या वाढवण्यास कारणीभूत ठरते. शिवाय वजन वाढण्यासुद्धा कारणीभूत ठरते.
सकाळची सुरुवात कॉफीने केल्यास त्याचा परिणाम तुमच्या पचनशक्तीवर होतो. रिकाम्या पोटी कॉफी प्यायल्याने पोटात अॅसिडचे प्रोडक्शन वाढते. ज्यामुळे अपचन, ब्लॉटिंग, मळमळणे यांसारख्या समस्या वाढतात.
सकाळी रिकाम्या पोटी कॉफी प्यायल्यास ब्लड शुगर लेव्हल वाढते. ज्यामुळे सकाळी उठताबरोबत तुमची ब्लड शुगर लेव्हल कमी जास्त होते.
रिकाम्या पोटी कॉफी प्यायल्याने ऑक्सीडेटिव्ह स्ट्रेस वाढतो. ज्यामुळे शरीरातील विविध अंगांवर सूज येते. ज्यामुळे मधुमेह, थकवा, स्किन प्रॉब्लेम आणि ऑटो इम्यून यांसारख्या आजारांचा धोका वाढतो. (International Coffee Day)
संध्याकाळी तुम्ही कॉफी प्यायल्यास त्यातील कॅफिनचे प्रमाण मेंदूला उत्तेजित करते. ज्यामुळे तुमची झोप उडते.
कॉफी पिण्यापासून होणाऱ्या तोट्यांपासून स्वत:चा बचाव करायचा असेल तर ब्रेकफास्टनंतर कॉफी पिणे योग्य ठरेल. आणि तुम्हाला त्याचे आरोग्यदायी फायदेही होतील.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
