Kitchen Cleaning Tips : फक्त एका सोप्या उपायाने करा काळी झालेली चहाची गाळणी स्वच्छ

Kitchen Cleaning Tips : चहाची गाळणी ही जवळपास प्रत्येक घरात अगदी रोजच्या रोज लागणारी वस्तू. चहाप्रेमींच्या घरी तर ३-४ वेळेसही लागू शकते. पण सततच्या वापरण्याने चहा गाळणी काळी पडू लागते.

बाकी कोणतीही भांडी घासून स्वच्छ होऊ शकतात पण काळी झालेली चहाची गाळणी स्वच्छ करणं खूप कठीण आहे; म्हणजे अगदी कधी कधी दुधाची जळकी पातीली निघू शकते पण चहाची गाळणी कशी स्वच्छ करावी हा प्रश्न नेहमीच असतो.

अशी काळी गाळणी पाहुण्यांसमोर काढायचं म्हटल तर आपल्यालाच कसं तरी होत. ती स्वच्छ करण्यासाठी लोकं वेगवेगळे उपाय सांगतात; पण सगळेच उपाय यशस्वी होतात अस नाही आणि परिणामी ही गाळणी टाकून द्यावी लागते.

कमी मेहनतीत कळकट गाळणी स्वच्छ करा तेही अगदी नव्यासारखी

१. सगळ्यात आधी एका भांड्यात लिक्विड ब्लीच आणि पाणी सम प्रमाणात घ्या.

२. त्यात तुमचं खराब झालेलं गाळणं २ ते ३ तासांसाठी भिजत ठेवा.

३. आता तारेच्या घासणीने ते गाळणं घासून घ्या. गाळणं अगदी स्वच्छ, चकाचकित होईल.

टीप : ब्लीच आरोग्यासाठी हानिकारक असतं. त्यामुळे गाळणं त्यानंतरही काही तास पाण्यात भिजत ठेवा. २- ३ वेळा पाणी बदलून धुवून घ्या. उन्हात पुर्णपणे वाळवून घ्या आणि त्यानंतरच वापरा.