Kitchen Tips : किचनमधील या वस्तू कधीच फेकून देऊ नका, कारण...

Kitchen Tips :

घरी बाजारातून आणलेल्या अनेक वस्तू आपण एक्स्पायरी डेट बघून घेतो. साधारण, पॅकेट वस्तू सॉस अशा वस्तूंबाबत आपण रिस्क घेत नाही. कारण, ते आपल्या मुलांशी संबंधित असतात. मुलं आवडीने सॉस, जाम अन् बऱ्याच वस्तूंशिवाय जेवत नाहीत.

मुलांसाठी लागणारे नाश्त्याचे पदार्थ, पीठे आपण योग्य पद्धतीने साठवतो. पण तुम्हाला माहिती आहे का की, आपल्या किचनमध्ये असलेल्या काही वस्तू कधीच खराब होत नाहीत. होय हे खरं आहे. घरी मंच्युरियन साठी असलेले कॉर्नफ्लोअर, मध, सोया सॉस या वस्तू कधीच खराब होत नाहीत. त्यांची एक्स्पायरी डेट संपली तरी देखील त्या वापरण्या योग्य असतात. (Kitchen Tips)

कॉर्नफ्लोअर

तुम्ही काही नाश्त्याचे पदार्थ बनवण्यासाठी कॉर्नफ्लोअर घरी आणत असाल. काही दिवस ठेऊन ते खराब झाले म्हणून फेकून देत असाल तर तसं करू नका. कारण, कॉर्नफ्लोअर कधीच खराब होत नाही. फक्त तो हवाबंद काचेच्या डब्यात ठेवा. म्हणजे त्याला किडे लागणार नाहीत.    

व्हिनेगर

व्हिनेगर हे कोशिंबिर, लोणचे यासाठी तर पॅकेट फूड असलेल्या टोमॅटो केचअप, सॉस, मेयोनीज यामध्ये वापर केला जातो. घराची स्वच्छता, एखाद्या भांड्याला चमकवण्यासाठीही त्याचा वापर केला जातो. असे हे व्हिनेगर कधीच खराब होत नाही. फक्त काळजी घ्यावी की ते तुम्ही योग्य प्रकारे साठवून ठेवाल.(Kitchen Hacks)

सोया सॉस

सोया सॉस शिवाय चायनिज फूड तयारच होत नाही. घरी बनलेल्या फ्राईड राईस, मंच्युरियन आणि नुडल्समध्ये हा सॉस सर्रास वापरला जातो. तुम्हीही बाजारातून आणलेला सॉस खराब झाला म्हणून फेकून देत असाल तर आधी हे लक्षात घ्या. कारण, सोया सॉस कधीच खराब होत नाही.

मध

आयुर्वेदीक औषध असो वा ब्युटी टीप्स सगळ्याच गोष्टीत मध वापरला जातो. आजकाल झाडावरून तोडलेला ताजा मध ग्रामिण भागात मिळतो. पण शहरात मात्र प्लास्टिकच्या बाटल्यांमध्ये पॅक केलेला मिळतो. त्य पॅकेटवर त्याची एक्स्पायरी डेटही असते. असे असले तरी हे लक्षात घ्या की मध कधीही खराब होत नाही. त्यामुळे तुम्ही अगदी डोळे झाकून तो वापरू शकता.