Kurdaichi Bhaji Recipe : श्रावणी सोमवार सोडण्यासाठी बनवा चटपटीत,चटकदार आगळी-वेगळी अशी कुरडईची भाजी

Kurdaichi Bhaji :

अनेकवेळा घरात काहीच भाजी शिल्लक नसते. किंवा काहीतरी बनवून खाणं वेळखाऊ वाटतं. सततच्या भाजीचाही कंटाळा येतो. तेव्हा तुम्ही घरात असलेली कुरडईची भाजी बनवू शकता.

आज श्रावणातील चौथा शनिवार आहे. सर्वांच्याच घरी श्रावणात वेगवेगळे बेत बनलेले असतात. तुम्हीही श्रावणी सोमवार स्पेशल भाजी काय बनवायची याचा विचार करत असाल तर कुरडईची भाजी नक्की करून पहा. (Kurdaichi Bhaji Recipe )

कुरडईची भाजी बनवण्यासाठीचे साहीत्य आणि कृती

१ वाटीभर कुरडयांचा चुरा, कांदा बारीक चिरून, हिरव्या मिरच्या चिरून, १ टी स्पून धणे-जिरे पूड, मीठ, साखर, १ टोमॅटो चिरून, १ टी स्पून गरम मसाला, अर्धा टी स्पून लाल तिखट, तेल, मोहरी, हिंग, हळद, कोथिंबीर

कृती :

गरम पाण्यात कुरडयांचे तुकडे घालून १५ मिनिटे झाकून ठेवावेत

कढईत तेल, मोहरी, हिंग, हळदीची फोडणी करून कांदा परतावा.

त्यात लाल तिखट, मिरच्यांचे तुकडे, गरम मसाला, धणे-जिरे पावडर घालावी.

मीठ, साखर घालून, चिरलेला टोमॅटो घालून भिजवलेल्या कुरडया व १ वाटी पाणी घालून भाजी उकळल्यावर कोथिंबीर घालून उतरवावी. गरम गरम चपाती किंवा भाकरीसोबत खावी.

कुरडईची कोशिंबीर

कुरड्यांचा चुरा उकळत्या पाण्यात उकडून, शिजवून चाळणीवर निथळवावा. गार झाल्यावर त्यात एक कांदा बारीक चिरून, १ हिरवी मिरची बारीक चिरून, मीठ, साखर, कोथिंबीर घालून १ वाटी गोड घट्ट, दही घालावे ढवळून वरून तेलाची मोहरी, हिंगाची गार फोडणी घालावी छान कोशिंबीर होते.