Fitness: पाेटावरचा घेर करायचा आहे कमी तर खा या विशिष्ट प्रकारच्या बिया

तुमचं पोट सुटलय का ?आणि ते कमी व्हायचं नावचं घेत नाही, तर तुमच्या साठी घेऊन आलो आहोत हे तीन रामबाण उपाय.

काळानुरुप बदलत जाणारे आपले जीवन...आणि रोजच्या दिनचर्येत घडणारे बदल. याचा आपल्या शरीरावर खुप मोठा परिणाम होताना दिसतो.

घर, ऑफिस काम हे सगळ करत असताना आपण आपल्याच कडे दुर्लक्ष करतो. तसेच व्यायामा साठी वेळ न काढणे, फास्ट फूड, या गोष्टीमुळे आपण आपल्याच शरीराला दुखण्याचं आमंत्रण देतो . त्यामुळे वजन वाढणे, डायबेटीज, थायरॉईड यांसारख्या आजारांना देखील आपण आमंत्रण देतो.

सध्या वजन वाढी सारख्या गंभीर समस्याला आपल्याला सामोरे जावं लागत आहे. आज जो तो वजन आटोक्यात ठेवण्याचा प्रयत्न करताना दिसतो. त्यामुळे आम्ही एक खास उपाय घेऊन आलो आहोत...या तीन प्रकारच्या बियाचं सेवन केल्यास निश्चितच तुम्हाला वजन कमी करायाला मदत मिळेल.

जाणून घेऊयात कोणत्या प्रकारच्या बिया

जवस :

जवसला आयुर्वेदा मध्ये खूप महत्व आहे. तसेच किचनमध्ये देखील जवसाच्या चटणीला खूप महत्व आहे. कारण या मध्ये पोषक द्रव्य असतात.त्यातील ओमेगा ३ फॅटी ऍसिड आपल्या शरीरावरील अतिरिक्त चरबी कमी करण्यास मदत करते. तसेच यात खूप मोठ्या प्रमाणात प्रोटीन, फायबर, आयरन चे प्रमाण असल्यामुळे आपल्या शरीरासाठी जवस खाणे कधी हि बेस्ट. तुम्ही जवसची चटणी , धपाटे, दही तसेच पाण्यासोबत देखील घेऊ शकता . रोज आहारात जेवण झाल्यानंतर भाजलेले जवस खावेत.

सूर्यफुलाचे बी :

जेव्हा वजन कमी करण्याची इच्छा होते तेव्हा सूर्यफूल देखील मदत करते. सूर्य फुलाचे बी देखील तितकेच उपयोगी आहे. या बी मध्ये चरबी वितळण्यासाठीचे मुख्य गुणधर्म आहेत. या बी च्या सेवनाने आपली पचन प्रक्रिया सुधारते, वजन कमी करण्यास मदत होते. तुम्ही या बिया बारीक करून सूप, चहा यांसारख्या पेयांमध्ये घेऊ शकतात .

चिया सीड्स :

चिया सीड्स देखील आपल्याला वजन कमी करण्यास मदत करते, रोजच्या नाश्ता करत असताना याचे सेवन केले तर तुमचे पोट भरलेले राहील . कारण यामध्ये मेटाबॉईल्सम वाढण्याचे विशिष्ट गुण या मध्ये आहेत.

वरील सर्व प्रकारच्या बियांचे आपल्या नेहमीच्या आहारात नक्की सेवन करा. आणि वजन वाढी पासून मुक्तता मिळवा.