Long Weekend Trip : युरोप विसरा ! चार दिवसांच्या सुट्टीत फिरून या ही स्वस्तात मस्त ठिकाणं, Long Weekend ला बनवा बजेट फ्रेंडली

Long Weekend Trip:

आज 15 ऑगस्ट असून सर्वांचे ध्वजारोहण करून झाले असेल. आणि लोकांनी पुढच्या चार दिवसांसाठी करण्याचे प्लॅनिंग हे जोरदार केले असेल. कारण बऱ्याच दिवसांच्या प्रतीक्षेनंतर हा Long Weekend लोकांच्या पदरी पडला आहे. त्यामुळे लॉंग वीकेंडचा फायदा घेण्यासाठी अनेक लोक टूर प्लॅन करतात.

चार दिवसात दोन दिवस फिरण्यासाठी आणि दोन दिवस आरामासाठी असेही काही लोकांचे आयोजन असते. तर काही लोक चार दिवसात जितके फिरता येईल तितके फिरून घेतात. तुम्हीही अशाच काही ठिकाणांच्या शोधात असाल जी तुम्हाला कमी वेळेत जास्त चांगला अनुभव देऊ शकतील. तर ही काही बेस्ट ठिकाणं नक्की एक्सप्लोअर करा. (Long Weekend Trip)

आपण फार दूरही जाऊ शकत नाही आणि अगदी जवळचा बघायचं म्हटलं तर आपण सगळे जवळचे प्लेसेस आधीच पाहिलेले असतात. त्यामुळे या चार दिवसात पुरेपूर सुट्टीचा आनंद लुटता येईल अशी कोणती ठिकाण आहेत जी आपल्याला एक नवीन अनुभूती देतील त्यांची माहिती घेऊयात.

कुर्ग

या चार दिवसांच्या सुट्टीमध्ये तुम्ही आरामात कुर्ग या हिल स्टेशनला नक्की जाऊ शकता. हे हिल स्टेशन कर्नाटकमध्ये असून ते टुरिस्टमध्ये प्रसिद्ध आहे. कुर्ग हिल स्टेशन मसाले आणि चहाच्या बागीचांसाठी फेमस आहे. या

ठिकाणचे निसर्ग सौंदर्य तुम्हाला स्वर्गात गेल्यासारखेच वाटेल. कारण या ठिकाणी असलेल्या चहाच्या भागांमध्ये पावसाळ्यात धुके आणि छोटे छोटे धबधबे असतात. जे पाहून तुमचं मन अगदी प्रसन्न होईल.

नैनीताल आणि भीमताल

तुम्ही या चार दिवसांच्या टूरमध्ये भीमताल आणि नैनीताल या हिल स्टेशनवर जाऊ शकता. नैनीतालमध्ये तुम्ही नैनी तलावाची सफर करू शकता. या तलावात तुम्ही बोटींगचा आनंद घेऊ शकता. नैनीतालमध्ये तुम्हाला अनेक ठिकाणची सफर करता येईल. तसेच, तुम्ही भीमताल या पॉईंटलासुद्धा जाऊ शकता. हे सुद्धा एक प्रसिद्ध हिल स्टेशन असून ते नैनीतालच्याच बाजूला आहे.

वागामों हिल स्टेशन

केरळमधील सुप्रसिद्ध ठिकाण म्हणून वागामो प्रसिद्ध आहे. हे हिलस्टेशन समुद्रसपाटीपासून १ हजार मीटरपेक्षा जास्त उंचीवर वसलेले आहे. हे अतिशय मनमोहक आणि नयनरम्य हिलस्टेशन आहे. या परिसरातील उंच पर्वत, घनदाट जंगले, तलाव आणि धबधबे पर्यटकांचे लक्ष वेधून घेतात. त्यामुळे, देश-विदेशातील अनेक पर्यटकांची येथे मांदियाळी पहायला मिळते. निसर्गप्रेमींसाठी हे ठिकाण नंदनवन आहे.

औली

हे दोन्ही सुंदर हिल स्टेशन उत्तराखंडमध्ये आहेत. औली हिल स्टेशनला मिनी स्वित्झर्लंड म्हटले जाते. हे हिल स्टेशन बर्फाच्छदीत आहे. औली हिल स्टेशन बद्रिनाथतच्या वाटेवर आहे. दरवर्षी इथे लाखो भाविक येतात. जे बद्रिनाथला जातात अन् वाटेत या हिल स्टेशनलाही भेट देतात.