Madhuri Dixit Hair Mask Tips : पावसाळ्यातही माधुरीसारखे हेल्दी, शायनी अन् दाट केस हवेत? हे घ्या तिचं सिक्रेट

Madhuri Dixit Hair Mask Tips For Monsoon In Marathi :

पावसाळ्यात केस गळणे, कोंडा, केस तुटणे, फ्रीझी हेअर्स असे एक ना अनेक समस्या बहुतेकांना सतावत असतात. यासाठी अनेक लोक अनेक उपायही सुचवतात. पण खात्रीशीर उपाय कोणते? हे सर्वांच्या लाडक्या माधुरी दीक्षितकडूनच समजून घेऊया.

माधुरीचा अभिनय, नृत्य आणि तिचं सौंदर्य कायमच चाहत्यांना भूरळ घालत आलं आहे. पण तुम्हाला माहितीये का तिच्या केसांचेही दिवाणे काही कमी नाही अन् विशेष म्हणजे या चाहत्यांमध्ये पुरुषांपेक्षा महिलांचीच संख्या अधिक आहे. म्हणून खास पावसाळ्यात केसांची निगा कशी घ्यावी हे माधुरीकडूनच जाणून घेऊया.

तिच्या अधिकृत YouTube चॅनेलवरील अलीकडील व्हिडिओमध्ये, अभिनेत्रीने पावसाळ्यात तिच्या निरोगी आणि चमकदार केसांचे रहस्य सांगितले. तीन आपल्या स्वयंपाकघरातील घटकांनी बनवलेला तिचा हेअर मास्क. असा साध्या सोप्या पद्धतीने बनवलेला असरदार मास्क कसा बनवावा बघुया.

आवश्यक साहित्य

• 1 पिकलेले केळे,

• 1 टीस्पून खोबरेल तेल

• 1/2 टीस्पून मध

कृती

1. एका मध्यम आकाराच्या मिक्सिंग वाडग्यात केळी मॅश करा.

2. त्यात खोबरेल तेल घालून हलक्या हाताने हलवा.

3. पुढे, मध घाला आणि सर्व साहित्य चांगले एकत्र करा.

4. आता, आपले हात वापरून, आपल्या केसांवर मास्क लावा.

5. माधुरीच्या पोस्टनुसार, मुळापासून एक इंच दूर सुरू करा आणि हळूवार मसाज करा.

6. मास्कला 15 मिनिटे केसांवर ठेवा आणि नंतर ते शॅम्पू करून धुवा.

केळीचे फायदे

माधुरीच्या म्हणण्यानुसार, केळी केसांना खोलवर पोषण देतात आणि त्यांना मऊ करतात. तसेच यामध्ये पोटॅशियम आणि सिलिका असल्याने केसांना पोषण मिळते.

नारळ तेलाचे फायदे

तज्ज्ञांच्या मते, केस धुण्यापूर्वी खोबरेल तेलाचा वापर केल्याने प्रथिनांचे नुकसान कमी होते, तसेच खोबरेल तेल केसांना हायड्रेट आणि मॉइश्चरायझ करते, ज्यामुळे ते मऊ आणि चमकदार राहण्यास मदत होते.

मधाचे फायदे

अभ्यासानुसार, मधामध्ये उत्तेजित करणारे आणि ह्युमेक्टंट गुणधर्म असतात जे केसांच्या कूपांमध्ये ओलावा जोडतात आणि कुरळे, कोरडे, फ्रीझी किंवा निस्तेज केसांना चमक आणि पुनर्संचयित करतात.