Navratri 2023 : दसऱ्यादिवशी या किड्याचं दर्शन घडलं तर स्वत:ला नशिबवान समजा, का ते वाचा

Navratri 2023 : आश्विन महिन्याच्या शुक्ल पक्षाच्या दहाव्या दिवशी दसरा हा सण साजरा केला जातो. दसऱ्याला विजयादशमी असेही म्हणतात. कारण हा सण वाईटावर चांगल्याचा आणि अधर्मावर धर्माचा विजय होण्याचे प्रतीक आहे.

या दिवशी प्रभू रामाने अहंकारी रावणाचा वध करून माता सीतेची कैदेतून सुटका केली होती. त्यामुळे हिंदू धर्मात दसऱ्याचा सण मोठ्या थाटामाटात साजरा केला जातो. या दिवशी रावणाच्या पुतळ्याचे दहन केले जाते, ज्यामुळे मनुष्याने रावणाचा म्हणजेच दुष्टतेचा नायनाट करावा, असा संदेश दिला जातो.

दसऱ्याचा दिवस वास्तुच्या दृष्टीनेही खूप महत्त्वाचा मानला जातो. दसऱ्याला घरात हा किडा दिसला तर तो पाहिल्यानंतर घाबरून जाऊ नका, कारण हे माता लक्ष्मीकडून मिळालेलं शुभ संकेत आहे.

दसऱ्याच्या दिवशी देवी लक्ष्मीची कृपा होते

वास्तुशास्त्रानुसार दसऱ्याचा म्हणजेच विजयादशमीचा दिवस खूप महत्वाचा असून आर्थिक संकटावर मात करण्यासाठी या दिवशी आई लक्ष्मीची पूजा केली जाते. वास्तुनुसार नवमी किंवा दशमीच्या दिवशी जर हे कीटक घरात दिसले तर समजा की माता लक्ष्मी आपली कृपा वर्षाव करणार आहे.

दसऱ्याच्या दिवशी या किड्याचे दर्शन अत्यंत शुभ मानले जाते आणि आपल्या जीवनात येणारे आर्थिक संकट लवकरच दूर होणार असल्याचे संकेत आहेत. चला तर मग जाणून घेऊया कोणता किडा हे चांगले लक्षण आहे?

दसऱ्याला विंचू दिसणे शुभ असते

वास्तुशास्त्रानुसार नवमी किंवा दशमीच्या दिवशी घरात कुठेही विंचू दिसला तर ते शुभ चिन्ह आहे. सहसा विंचू पाहून लोक घाबरतात, मात्र त्यामागे एक शुभ चिन्ह दडलेले असते. असे म्हटले जाते की दशमीच्या दिवशी विंचू दिसणे म्हणजे आई लक्ष्मी लवकरच आपल्यावर कृपा वर्षाव करणार आहे आणि आपल्याला धन प्राप्ती होणार आहे.

दशमीला घरात विंचू दिसल्यास घाबरू नका किंवा त्यांना कोणतेही नुकसान करू नका. त्याऐवजी तिच्यासमोर हात जोडून माता लक्ष्मीचे स्मरण करा. यानंतर विंचूला नुकसान न होता सुरक्षित ठिकाणी घेऊन जा.

वास्तुशास्त्रानुसार दशमीच्या दिवशी घरात विंचू दिसणे म्हणजे तुमच्या घरात पैशांचा पाऊस पडणार आहे. नोकरी-व्यवसायात ही फायदा होईल. येणाऱ्या काळात तुमच्या आर्थिक अडचणी दूर होतील.