Navratri Skin Care: नवरात्रीपुर्वी चेहऱ्यावर चमक हवीय? 'हे' घरगुती फेसपॅक वापरून पाहा

Homemade Facepack 2024: हिंदू धर्मात शारदीय नवरात्रीला खुप महत्व आहे. अवघ्या दिवसावर नवरात्री उत्सव येऊन ठेपला आहे. यंदा ३ ऑक्टोबरला शारदीय नवरात्री साजरी केली जाणार आहे. देशभरात अनेक ठिकाणी शारदीय नवरात्री मोठ्या उत्साहात साजरी केली जाते. शारदीय नवरात्रीचा उत्सव माता दुर्गाला समर्पित आहे. नवरात्रीत ९ दिवस माता दुर्गेच्या नऊ रूपांची पूजा केली जाते. या दिवसामध्ये देवीची मनोभावे पूजा केल्यास सर्व संकट दूर होतात आणि मनोकामना पूर्ण होतात. अनेक लोक कपडे, सजावटीकडे लक्ष देतात. पण यामध्ये चेहऱ्याकेड दुर्लक्ष करतात. बाजारात अनेक बाजारात अनेक प्रकारचे ब्युटी प्रोडक्ट्स उपलब्ध आहेत, पण घरगुती उपायांनी बनवलेल्या गोष्टी त्वचेसाठी फायदेशीर असतात. तुम्ही काही घरगुती फेसपॅक वापरून नवरात्रीत चमकदार त्वचा मिळू शकता.

लिंबू आणि मध

तुमच्या घरी लिंबू आणि मध असेलच. याचा वापर करून फेसपॅख बनवू शकता. हे पॅक बनवण्यासाठी १ चमचा लिंबू रस, १ चमचा मध एका वाटीत घेऊन मिक्स करावे. नंतर चेहऱ्यावर लावावे. १५ मिनिटानंतर चेहरा कोमट पाण्याने स्वच्छ धुवावा.

हळद आणि बेसण

हळदीमध्ये असलेले पोषक घटक आरोग्यासाठी फायदेशीर असतात. तसेच हळद त्वचेसाठी देखील उपयुक्त आहे. तुम्ही हळद आणि बेसण वापरून घरीच फेसपॅक बनवू शकता. हा फेस पॅक बनवण्यासाठी २ चमचे बेसण, १ चमचा हळद आणि १ चमचा दही एका वाटीत घेऊन चांगले मिक्स करावे. नंतर चेहऱ्यावर लावावे आणि १५ -२० मिनिटांनी हलक्या हाताने मसाज करून चेहरा स्वच्छ धुवावा.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.