Neck Pain : तुम्हालाही होतोय मानदुखीचा त्रास? चिंता नको, 'या' गोष्टी फॉलो करा, लगेच मिळेल आराम

Neck Pain Home Remedies: आजकाल अनेक लोकांना मानदुखीची समस्या जाणवते. डेस्क जॉब तसेच लॅपटॉपवर तासंतास काम करणाऱ्या लोकांना मानदुखीचा जास्त त्रास होतो. त्यामुळे मानेच्या मागे तीव्र वेदना सुरू होतात. जर तुम्हालाही मानदुखीचा त्रास होत असेल तर पुढील काही उपाय करून लगेच वेदना कमी करू शकता.

मान स्ट्रेच करा

मानदुखी लगेच कमी करायची असेल तर थोडं मानेला ताण द्यावा. म्हणजेच स्ट्रचिंग करावे. यामुळे वेदनेपासून आराम मिळतो. यासाठी मान हनुवटीवर ठेवा आणि मान खाली वाकवा. काही वेळाने मान वर करा आणि मागे वळवा. हा व्यायाम ४-५ मिनिटे करावा.

बॉलने मसाज करा

मानदुखी कमी करण्यासाठी बॉलचा वापर करू शकता. यामुळे लगेच वेदना कमी होतात. तुम्ही टेनिस बॉलचा वापर करू शकता. या बॉलने दाबून मसाज केल्यास वेदना कमी होतात. त्यामुळे स्नायूंना आराम मिळतो आणि वेदना कमी होतात.

मानेला शेक द्यावा

एकसराखे खाली पाहून काम करत मानेत वेदना होत असेल तर हिटिंग पॅडचा वापर करून शेक देऊ शकता. यामुळे लगेच आराम मिळतो. तसेच आंघोळ करताना कोमट पाण्याचा वापर करावा यामुळे मानदुखी कमी होते. तसेच रक्तप्रवाह सुरळित होतो.

बेलण्याचा वापर

मानदुखी कमी करण्यासाठी बेलण्याचा वापर करू शकता. यासाठी मानेवर बेलणे हलक्या हाताने फिरवावे. यामुळे वेदना कमी होतील.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.