Hair Fall: टाळूला खाज सुटणे अन् कोंडामुळे त्रस्त आहात? 'या' हिरव्या पानांचा करा उपाय

Neem Leaves Benefits: अनेकांना त्वचा किंवा टाळू अस्वच्छ असल्यास खाज किंवा संसर्ग होण्याचा धोका असतो. या समस्यांपासून आराम मिळवण्यासाठी लोक विविध प्रकारच्या शॅम्पू आणि केसांच्या सीरमचा वापर करतात. पण समस्या कमी होत नाही. विशेषत: कोंड्याची समस्या पूर्णपणे बरी होत नाही आणि पुन्हा पुन्हा परत येते. बदलत्या हवामानामुळे कोंडा किंवा कोंड्याची समस्या वाढते.

टाळूमध्ये कोरडेपणा वाढल्याने देखील कोंडा होऊ शकतो. डोक्यातील कोंडा असलेल्या व्यक्तीला केस गळण्याचा त्रास अधिक असतो. या दोन्ही समस्यांपासून आराम मिळवण्यासाठी तुम्ही घरच्या घरी कडुलिंबाच्या पानांचा वापर करू शकता. पण कसा करावा हे जाणून घेऊया.

केस आणि टाळूसाठी कसे फायदेशीर असते?

कडुलिंबाच्या पानांमध्ये अँटी-बॅक्टेरियल आणि अँटी-इंफ्लेमेटरी गुणधर्म असतात. हे बॅक्टेरिया आणि दुर्गंधी दूर करतात.

डोक्यातील कोंडा किंवा कोंड्याची समस्या कमी करण्यासाठी कडुलिंबाचे पानं गुणकारी आहे.

केसांमधून येणाऱ्या दुर्गंधीची समस्या दूर करण्यासाठी तुम्ही कडुलिंबाच्या पानांचाही वापर करू शकता.

टाळू आणि केसांसाठी कडुलिंबाची पानांचा वापर कसा करावा?

शॅम्पू करण्यापूर्वी डोक्याला कडुलिंबाचे पाणी लावावे. कडुलिंबाच्या पाण्यानी केस धुवा आणि नीट स्वच्छ करा. यासाठी कडुलिंबाची पानं एक लिटर पाण्यात उकळून घ्यावी. जेव्हा पाणी चांगले उकळते आणि अर्ध्यापेक्षा कमी होते तेव्हा कडुलिंब आणि पाण्याचे मिश्रण गॅसमधून काढून टाका. ते थंड झाल्यावर गाळून बाटलीत भरून ठेवा. या कडुलिंबाच्या पाण्याने डोक्याला आणि केसांना मसाज करा. नंतर, 15-20 मिनिटे आपल्या टाळूवर राहू द्या. त्यानंतर, शैम्पू करा.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.