Papaya Leaf For Constipation : जोर देऊनही पोट साफ होईना? पपईच्या पानांचा रस पिऊन तर बघा!

Papaya Leaf For Constipation : पपई स्वादिष्ट तर आहेच, शिवाय आरोग्यासाठीही लाभकारी. सहज पचणारे फळ आहे. पपई भूक आणि शक्ती वाढविते. प्लीहा, यकृत रोगमुक्त ठेवणारे आणि कावीळ यासारख्या रोगांपासून मुक्ती देणारे हे फळ आहे. पपई खाण्याचे खूप फायदे आहेत. पपई हे फळ सगळीकडे उपलब्ध आहे. पपई हे आजारपणात देखील खाता येते आणि याचे जास्त दुष्परिणाम नसतात. 

पपईच्या झाडाचा प्रत्येक भाग अत्यंत उपयोगी आहे. त्यामुळे पपईच्या झाडाला आरोग्याच्या दृष्टीने खूपच महत्त्व आहे. केवळ पपईच्या फळातच नाही तर पूर्ण झाडातच अनेक औषधी गुणधर्म लपलेले असतात. (Papaya Benefits For Health)

पपईची फळे वर्षभर कधीही सहज उपलब्ध असतात. पपईच्या पानांमध्ये अँटिऑक्सिडंट्स, कॅरोटीन यासारख्या अत्यंत महत्त्वाच्या घटकांसह जीवनसत्व अ, ब, क, ड, आणि ई व तसेच यामध्ये कॅल्शियम, सोडियम, मॅग्नेशियम, लोह व फॉस्फरस ही खनिजे भरपूर प्रमाणात असतात. पपईची पाने बद्धकोष्ठतेच्या समस्येवरही रामबाण उपाय आहेत.

बद्धकोष्ठता ही एक सामान्य समस्या आहे जी प्रत्येकाला आयुष्यात कधीना कधी भेडसावते. यामध्ये लोकांना मलविसर्जनात अनेक दिवस त्रास सहन करावा लागतो. जे लोक फायबरयुक्त पदार्थांचे जास्त सेवन करतात, त्यांना त्याचा जास्त त्रास होतो. याशिवाय चुकीचे खाणे आणि जीवनशैलीमुळेही बद्धकोष्ठतेची समस्या उद्भवू शकते.

बद्धकोष्ठतेची समस्या वाढल्यास त्या व्यक्तीने ताबडतोब डॉक्टरांचा सल्ला घ्यावा जेणेकरून समस्येवर नियंत्रण मिळवता येईल. मात्र असे काही घरगुती उपाय आहेत, ज्यांच्या मदतीने बद्धकोष्ठतेची समस्या दूर होऊ शकते. बद्धकोष्ठतेचा त्रास असलेल्या लोकांसाठी पपई खूप फायदेशीर आहे. या समस्येपासून ताबडतोब सुटका मिळवायची असेल तर पपईच्या पानांचे सेवन करा. हे आपल्याला त्वरित आराम देऊ शकते.

पपईची पाने कशी फायदेशीर आहेत?
जर तुम्हाला आतड्यांसंबंधी हालचालींमध्ये त्रास होत असेल तर पपईची पाने तुमच्यासाठी खूप फायदेशीर ठरू शकतात. त्यामध्ये बर्याच पाचक एंजाइम असतात, जे आपली पाचन शक्ती सुधारण्यास मदत करतात. यामुळे तुम्हाला सूज येणे, अॅसिडिटी, छातीत जळजळ यासारख्या समस्यांपासूनही आराम मिळू शकतो.

पपईच्या पानांमध्ये व्हिटॅमिन सी, व्हिटॅमिन ई, व्हिटॅमिन ए, व्हिटॅमिन तसेच इतर जीवनसत्त्वे असतात, ज्यामुळे बद्धकोष्ठतेपासून आराम मिळतो. त्यामुळे पपईच्या पानांचे नियमित सेवन केल्यास पोटाच्या सर्व विकारांपासून मुक्ती मिळू शकते. यामुळे पोट बिघडणे, अॅसिडिटी, आंबट चव, छातीत जळजळ यासारख्या समस्यांपासून सहज सुटका मिळू शकते.

पपईच्या पानांचे सेवन कसे करावे?
पपईच्या पानांचा रस बद्धकोष्ठतेच्या समस्येपासून आराम मिळवण्यासाठी उपयुक्त ठरू शकतो. पपईची पाने बारीक चिरून ब्लेंडर किंवा सिल्बेटमध्ये बारीक करून घ्या. त्यात थोडे पाणी घालून ज्यूस तयार करून तो फिल्टर करून प्यावा. चवीनुसार थोडे मीठ, साखर किंवा गूळ घालू शकता. हा रस तुम्ही आठवड्यातून 2 ते 3 वेळा पिऊ शकता.

पपईच्या पानांचे इतर फायदे

डेंग्यू

पपईच्या पानांचा रस अशा समस्या विशेषतः डेंग्यूसारख्या आजारांना रोखण्यासाठी चांगले काम करतो. हा रस ताप, थकवा, डोकेदुखी, मळमळ, उलट्या आणि त्वचेची जळजळ यासारख्या लक्षणांवर नियंत्रण ठेवतो. रक्तातील प्लेटलेटची पातळी कमी असतानाही पपईच्या पानांचा रस प्लेटलेटची पातळी वाढवू शकतो.

सांधेदुखी

पपईच्या पानांचा रस शरीरातील अंतर्गत आणि बाह्य जळजळ कमी करण्यासाठी उत्तम आहे. ज्यांना सांधेदुखीची समस्या आहे त्यांनी नियमितपणे पपईच्या पानांचा रस सेवन केल्यास हा त्रास कमी होऊ शकतो.

मधुमेहावर नियंत्रण ठेवण्यास मदत होते

मेक्सिकोच्या प्राचीन लोक औषधांमध्ये मधुमेह टाळण्यासाठी पपईच्या पानांचा वापर करण्याचा उल्लेख आहे. सुरुवातीच्या काळात पपईच्या पानांचा रस घेतल्याने रक्तातील साखरेचे प्रमाण नियंत्रित राहते असे मानले जात होते. अलीकडील संशोधन असेही सूचित करते की पपईच्या पानांच्या अर्कामध्ये शक्तिशाली अँटिऑक्सिडेंट असतात. ते रक्तातील साखरेचे प्रमाण नियंत्रित करू शकतात.

त्वचा बरी होते

अनेक लोक त्वचेच्या विविध समस्यांनी त्रस्त असतात. विशेषत: अनेकांना त्वचेवर पुरळ येण्याची समस्या असते. अशावेळी पपईची पाने वापरता येतात. त्यातील विविध घटक त्वचेच्या डेड सेल स्वच्छ करण्यास आणि चमकदार त्वचा मिळविण्यात मदत करतात.