Parenting Tips : मुलांच्या उज्ज्वल भविष्यासाठी वयाच्या १०व्या वर्षापासून शिकवा 'या' गोष्टी

Parenting Tips : आजच्या धावपळीच्या जीवनात मुलांकडे लक्ष द्यायला पालकांकडे फारसा वेळ नसतो. पण काही गोष्टी मुलांना शिकवणं आवश्यक असतं. लहान मुले जसजशी मोठी होत जातात तसतशी पालकांची जबाबदारी वाढत असते. तुम्ही शिकवलेल्या गोष्टी त्यांना चांगली व्यक्ती बनवण्यास मदत करतात.

काही पालकांना तर आपल्या मुलांना लहान वयातच सर्व काही शिकवायचे असते. लक्षणीय बाब म्हणजे तुमची देखील पध्दत सारखीच असेल तर लगेचच त्याला आळा घाला. मुलांना नेहमी वयानुसार काहीतरी समजावून सांगण्याचा प्रयत्न करा.

1) प्रत्येकाचा आदर करणे

लहानपणापासूनच आपल्याला मुलींचा सन्मान करायला शिकवले जाते. जर तुम्हीही तुमच्या मुलांना हेच शिकवत असाल तर त्यांना मुलासोबत मुलीचाही आदर करायला शिकवा. असे केल्याने तुमच्या मुलांमध्ये मुलगा-मुलगी असा भेदभाव निर्माण होणार नाही.

2) मुलांना त्यांच्या शरीराच्या अवयवांबद्दल शिकवा

वयाच्या १० व्या वर्षी मुलगा असो किंवा मुलगी पालकांनी त्यांना त्यांच्या शारीरिक स्वरूपाबद्दल मूलभूत माहिती दिली पाहिजे. या वयात मुलांना चांगला स्पर्श आणि वाईट स्पर्श याबद्दल शिकवले पाहिजे. अशा वयात मुलांनी वैयक्तिक स्वच्छतेची संबंधित काही माहिती पालकांनाही द्यायला हवी.

3) ग्रेडपेक्षा ज्ञानाला महत्त्व द्या

आजकाल बहुतांश पालक आपल्या मुलांचे शाळेतील मार्क्स पाहून खुश नसतात. जर त्यांच्या मुलाला त्यांच्या अपेक्षेनुसार गुण मिळाले नाही तर ते त्याला ओरडतात किंवा मारतात. मुलांना हे शिकवा की शाळेतील गुणांपेक्षा ज्ञान असणे गरजेचे आहे.

4) मुलांना असे काम करू देऊ नका, जे त्यांच्या मनाविरूध्द असेल

या वयात मुले अनेकदा त्यांचे एक विशेष स्थान तयार करण्यासाठी इच्छुक असतात. कधी कधी मित्रांमध्ये लोकप्रियता वाढवण्यासाठी ते अशा गोष्टी करतात, ज्या त्यांच्या मनाविरूध्द असतात. असे करण्यापासून तुम्ही तुमच्या मुलांना वाचवले पाहिजे. त्यांना सांगा की मनाविरूध्द काम केल्याने त्रास होण्याची शक्यता असते.

5) त्यांना सांगा की पालक त्यांचे मित्र आहेत, शत्रू नाहीत

तुम्ही तुमच्या मुलाला हे पटवून दिले की पालक हे मुलाचे मित्र आहेत शत्रू नाहीत आणि तुम्ही त्यांच्या ओरडण्याऐवजी त्यांच्याशी प्रेमाने बोलला तर तुमची मुले कदाचित त्यांच्या मनातील तुम्हाला सांगतील. असे झाल्यास तुमचे आणि तुमच्या मुलांमधील नाते अधिक चांगले होईल.