Pitru Paksha 2024: पितृ पक्षात 'या' तेलाचा दिवा लावल्यास पितृदोषापासून मुक्ती मिळते

Pitru Paksha 2024: हिंदू धर्मात कोणत्याही शुभ कार्यात दिवा लावणे शुभ मानले जाते. अनेक घरांमध्ये सकाळ-संध्याकाळ तुळशीजवळ दिवा लावला जातो. यामुळे घरात सकारात्मक ऊर्जा वास करते. पितृपक्षात याचे महत्व अधिक वाढते. पितृपक्षात पितरांना प्रसन्न करण्यासाठी दिवा लावावा. पण पिरतांना प्रसन्न करण्यासाठी पुढील उपाय करू शकता.

दक्षिण दिशा

हिंदू घरांमध्ये सकाळी - संध्याकाळ देवपुजा करताना दिवे लावतात. वास्तूनुसार दिवा लावणे शुभ मानले जाते. पण पितृपक्षात रोज दिवा लावणे आणि दक्षिण दिशेला लावणे शुभ मानले जाते. खरं तर ही दिशा पुर्वजांचा मानली जाते. त्यामुळे हा उपाय केल्यास पितृदोष दूर होतो.

मोहरीचे तेल

पितृपक्षात मुख्य प्रवेशद्वाराजवळ दिवा लावणे शुभ मानले जाते. मोहरीच्या तेलात दिवा लावल्याने नकारात्मक ऊर्जा घराबाहेर राहते. याशिवाय पितरांचा आशीर्वाद मिळतो.

गाईचे तुप

घराच्या ईशान्य कोपऱ्यात रोज गाईच्या तुपाचा दिवा लावावा. यामुळे माता लक्ष्मीची कायम तुमच्यावर कृपादृष्टी राहते. तसेच पुर्वजांनाही आनंद होतो.

पिंपळाचा उपाय

पिंपळाच्या झाडावर देवी-देवतांसह पूर्वजांचाही वास असतो अशी मान्यता आहे. यामुळे पितृपक्षात रोज पिंपळाच्या झाडाला पाणी देऊन तुपाचा दिवा लावल्याने पितृदोषापासून मुक्ती मिळते.

पिण्याच्या पाण्याजवळ दिवा

पितृपक्षात संध्याकाळी नियमितपणे स्वयंपाकघरात पिण्याच्या पाण्याजवळ दिवा लावल्याने तुमच्या पुर्वजांचा आशार्वाद मिळेल. याशिवाय माता लक्ष्मी आणि अन्नपुर्णा दोघेही प्रसन्न होतील.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.