All Hair Problem Solution : बटाटा ही अशी भाजी आहे जी आरोग्यासोबतच केसांसाठीही फायदेशीर आहे. बटाट्याचा रस केसांच्या नैसर्गिक वाढीसाठी टोनर म्हणून काम करतो. बटाट्याची खास गोष्ट म्हणजे ही अतिशय स्वस्त भाजी आहे. आज आम्ही तुम्हाला बटाट्याच्या सालीचा हेअर मास्क कसा बनवायचा ते सांगणार आहोत.
जर तुम्हाला कुरळेपणा, कोरडे आणि निर्जीव केसांची समस्या असेल तर बटाट्याच्या सालीचा हेअर मास्क तुमच्यासाठी सर्वोत्तम ठरू शकतो. एवढेच नाही तर पांढरे केस काळे करण्यासाठी बटाट्याची साल खूप प्रभावी आहे, चला तर जाणून घेऊया बटाट्याच्या सालीचा हेअर मास्क कसा बनवायचा.
बटाट्याच्या सालीचा हेअर मास्क बनवा
बटाट्याच्या सालीचे हेअर मास्क बनवण्यासाठी लागणारे साहित्य -
बटाट्याची साल १ कप
मध 2 चमचे
एलोवेरा जेल 1 टीस्पून
बटाट्याच्या सालीचा हेअर मास्क कसा बनवायचा?
बटाटा पील हेअर मास्क बनवण्यासाठी आधी बटाटे घ्यावेत.
मग तुम्ही त्यांना सोलून घ्या.
यानंतर साल नीट धुवून पाण्यात भिजत ठेवा.
नंतर सालींमधून सर्व घाण निघून गेल्यावर तुम्ही एका भांड्यात उकळण्यासाठी ठेवा.
यानंतर, सुमारे 10 मिनिटांनंतर, पाण्यातून साल काढून टाका.
नंतर ही साल चांगली मॅश करा.
यानंतर त्यात मध आणि कोरफडीचे जेल घालून चांगले मिसळा.
आता तुमचा बटाटा पील हेअर मास्क तयार आहे. (Hair Care)
असा वापरा पोटॅटो पील हेअर मास्क
बटाट्याच्या सालीचा हेअर मास्क लावण्यापूर्वी तुम्ही तुमचे केस उलगडले पाहिजेत.
त्यानंतर केसांच्या ब्रशच्या मदतीने तयार केलेला मास्क केसांच्या मुळांना आणि लांबीला लावा.
यानंतर, अर्ध्या तासासाठी केसांमध्ये सुकण्यासाठी सोडा.
नंतर आपले केस शैम्पू आणि कंडिशनरने धुवा आणि स्वच्छ करा.
डिस्क्लेमर - वरील लेख माहितीवर आधारीत असून सकाळ समुह याची पुष्टी करत नाही. अधिक माहितीसाठी तज्ज्ञांचा सल्ला घ्यावा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
