Raksha Bandhan 2024 : राखी पौर्णिमेवरती आहे भद्रकाळाचं सावट, भावाला राखी बांधण्याचा योग्य मुहूर्त कोणता ?

Raksha Bandhan 2024 :

श्रावण महिन्यात अनेक महत्त्वाच्या सणांची रेलचेल असते. श्रावणात नागपंचमी, गोकुळाष्टमी सोबतच राखी पौर्णिमा सुद्धा असते. बहिण भावाच्या नात्यातील प्रेम वाढवणारा हा सण आहे. यंदा 19 ऑगस्ट रोजी राखी पौर्णिमा आहे.

रक्षाबंधन दिवशी प्रत्येक बहिण आपल्या भावाची वाट पाहत असते. भावासाठी सुंदर अशा राख्या ती बनवते. राखी पौर्णिमा हा भावावर असलेल्या तिच्या प्रेमाचे प्रतीक आहे. त्यामुळेच भाऊ-बहीण हा दिवस भेटणं टाळत नाहीत. ज्या लोकांना या दिवशी भेटणे शक्य नसतं ते आपली राखी आणि भेटवस्तू एकमेकांपर्यंत पोहोचवत असतात. (Raksha Bandhan 2024 )

दरवर्षी पौर्णिमेला येणारा हा सण यंदा मात्र कोड्यात टाकणारा आहे. कारण राखी पौर्णिमेदिवशी भद्रकाळ घडणार आहे. ज्योतिष शास्त्रात भद्रकाळाला अशुभ मानलं जातं. त्यामुळे लोक या काळात कोणताही शुभ काम करत नाहीत. त्यामुळेच आज आपण राखी पौर्णिमेदिवशी येणाऱ्या भद्रकाळावर मात कशी द्यायची. आणि भावाला कुठल्या वेळी राखी बांधायची याची माहिती घेऊयात.

एका वृत्त वाहिनीला दिलेल्या मुलाखतीत हरिद्वार मधील ज्योतिषी पंडित श्रीधर शास्त्री यांनी सांगितलं की, 19 ऑगस्ट रोजी रक्षाबंधन साजरी होणार आहे. पण हा संपूर्ण दिवस शुभ नाही. या दिवसावरती भद्रकाळाचे सावट आहे. त्यामुळे भाऊ बहिणीला राखी बांधण्यासाठी दुपारनंतरची वेळ शुभ राहील. भावाला राखी बांधण्यासाठी दुपारी 1.30 नंतर ची वेळ शुभ आहे.

भद्रकाळात राखी बांधली तर काय होईल

ज्योतिष शास्त्रात भद्रकाळाला अशुभ मानलं जातं. कारण या काळात केलेलं कुठलंच काम पूर्णत्वास जात नाही. त्यामुळेच या काळात कुठलंही चांगलं काम केलं जात नाही. तुम्ही भावाला राखी बांधण्यासाठी दुपारनंतरची वेळ निवडा.

तुम्ही या भद्रकाळात भावाला राखी बांधलीत तर ते तुमच्यासाठी आणि तुमच्या भावासाठी अशुभ ठरेल. या काळात कार्य केल्याने त्या व्यक्तींना अनेक वाईट परिस्थितीचा सामना करावा लागेल. त्यांच्या मागे सतत दवाखाना लागेल. त्यामुळे या काळात कुठलेही शुभकाम करू नका आणि भावाला राखी सुद्धा बांधू नका, अशी माहिती ही ज्योतिषी श्रीधर शास्त्री यांनी दिली.