Ram Mandir : अयोध्येतील राम मंदिराच्या उद्घाटनासाठी 22 जानेवारीचीच तारीख का निवडण्यात आली?

Ram Mandir :

उत्तर प्रदेशातील अयोध्येत भगवान श्री रामाच्या भव्य मंदिराच्या बांधकामाचे काम सध्या जोरात सुरू आहे. राम मंदिराच्या अभिषेक संदर्भात लोकांमध्ये प्रचंड उत्साह पाहायला मिळत आहे. 22 जानेवारी 2024 या दिवशी दिवस राम मंदिरात प्रभू श्री राम मंदिरात विराजमान होणार आहेत. पण 22 जानेवारी हीच तारीख का निवडण्यात आली यामागे काही कारणं आहेत.

प्रभू श्री रामांच्या मूर्तीची प्राणप्रतिष्ठापणा करण्यासाठी हा शुभ दिवस आहे. या दिवसभरातील फक्त 84 सेकंदांचा अत्यंत शुभ मुहूर्त असेल. पण तुमच्या मनात हा प्रश्न येतो का की या शुभ कार्यासाठी 22 जानेवारीची निवड का करण्यात आली? या मागचे कारण जाणून घेऊया.

मूर्ती स्थापनेचा मुहूर्त किती?

22 जानेवारी 2024 रोजी अयोध्या राम मंदिराचे उद्घाटन होत असल्याचे सांगण्यात येत आहे. आम्ही तुम्हाला सांगतो की राम ललाची मूर्ती स्थापित करण्याचा शुभ मुहूर्त 84 सेकंद आहे, जो 12:29 मिनिटे 8 सेकंद ते 12:30 मिनिटे 32 सेकंद असा अत्यंत शुभ काळ आहे. श्री रामांच्या मूर्तीचा अभिषेक झाल्यानंतर महापूजा आणि महाआरती होईल.

22 जानेवारी 2024 ही तारीख का?

हिंदू कॅलेंडरनुसार, 22 जानेवारी ही पौष महिन्यातील शुक्ल पक्षातील द्वादशी तारीख आहे. नक्षत्र मृगाशिरा आणि ब्रह्म योग सकाळी ८.४७ पर्यंत असून त्यानंतर इंद्र योग होईल.

ज्योतिषांच्या मते 22 जानेवारी ही कर्म द्वादशी आहे. ही द्वादशी तिथी भगवान विष्णूला समर्पित आहे. या दिवशी भगवान विष्णूने कासवाचे रूप धारण केल्याचे सांगितले जाते. धार्मिक ग्रंथांनुसार, या दिवशी भगवान विष्णूंनी कासवाचा अवतार घेतला आणि समुद्रमंथनात मदत केली.  

भगवान श्री राम हे भगवान विष्णूचे अवतार आहेत. त्यामुळे राम मंदिराच्या उद्घाटनासाठी हा दिवस अत्यंत शुभ मानला जात असून या दिवसाची निवड करण्यात आली आहे.

या दिवशी आहे शुभ योग

ज्योतिषांच्या मते 22 जानेवारीला अनेक शुभ योग तयार होत आहेत. या दिवशी सर्वार्थ सिद्धी योग, अमृत सिद्धी योग आणि रवियोग असे तीन शुभ योग तयार होत आहेत. कोणताही शुभ कार्य करण्यासाठी हा दिवस अतिशय शुभ मानला जातो.

या योगांमध्ये कोणतेही काम केल्यास व्यक्तीला सर्व प्रकारच्या कामात यश मिळते, त्यामुळेच या दिवसाची निवड करण्यात आल्याचे ज्योतिषांचे म्हणणे आहे.