Low Blood Pressure: वाढत्या वयात रक्तदाबाचं गणित का चुकतं, जाणून घ्या

भारतीय उद्योग क्षेत्रातील सर्वात ज्येष्ठ व्यक्तिमत्व टाटा उद्योग समूहाचे अध्यक्ष रतन नवल टाटा यांनी वयाच्या ८६ व्या वर्षी अखेरचा श्वास घेतला. त्यांचे ९ ऑक्टोबरला रात्री मुंबईतील ब्रिच कँडी रुग्णालयात रक्तदाब कमी झाल्याने निधन झाले. त्यांच्या निधनाने संपूर्ण उद्योग क्षेत्रात हळहळ व्यक्त होत आहे. टाटा सन्स चे अध्यक्ष एन. चंद्रसेकरन यांनी यासंदर्भात एक पत्रक प्रसिद्धीला देऊन ही माहिती दिली आहे. पण वाढत्या वयात रक्तदाब कमी का होतो हे जाणून घेऊया.

वाढत्या वयानुसार रक्तदाब का कमी होतो?

तज्ज्ञांच्या मते जर रक्तदाब 90/60 मिमी एचजीच्या खाली आला तर त्याला लो ब्लडप्रेशरची समस्या म्हणतात. रक्तदाब कमी झाला की त्याचा हृदयाच्या कार्यावर परिणाम होतो. हृदय योग्यरित्या रक्त पंप करू शकत नाही. त्यामुळे शरीराच्या अवयवांना रक्तपुरवठा व्यवस्थित होत नाही. यामुळे एकाच वेळी अनेक अवयवांवर परिणाम होऊ शकतो, परंतु हे सर्व तेव्हाच होण्याची शक्यता असते जेव्हा बीपी दीर्घकाळ कमी राहून त्याकडे लक्ष दिले नाही.

रक्तदाब कमी होण्यामागे अनेक कारणे असू शकतात. वाढत्या वयात ही एक सामान्य समस्या आहे. काही प्रकरणांमध्ये, शरीरात पाण्याची कमतरता, थायरॉईड रोग आणि कोणत्याही प्रकारच्या मानसिक तणावामुळे देखील रक्तदाब कमी होऊ शकतो. काही लोकांमध्ये बीपी कोणत्याही लक्षणांशिवाय अचानक पडतो. या स्थितीत व्यक्तीला चक्कर येऊ लागते आणि ती बेशुद्ध पडू शकते. रक्तदाब कमी ही एक समस्या आहे जी लगेच दूर होत नाही. हे फक्त नियंत्रित केले जाऊ शकते.

रक्तदाबाची कमी झाल्यास कोणती लक्षणे दिसतात

चक्कर येणे

बेशुद्ध होणे

मळमळ होणे

उलट्या येणे

अंधुक दृष्टी

श्वसनाचा त्रास

अत्यंत थकवा

अशक्तपणा