Resume पाहिला जातो फक्त 6 सेकंद, नोकरीसाठी 'असे' करा नियोजन

सध्या नोकरी सोडणाऱ्यांचे प्रमाण मोठ्या प्रमाणात वाढत आहे. त्यापैकी अनेकजण आपल्या गरजा आणि मूल्यांना अनुकूल असलेल्या नवीन रोल्सचा शोध घेत आहेत.

आधुनिक तंत्रज्ञानावर काम करणाऱ्या कुशल कामगारांची कंपन्यांना गरज असते. यामुळे कंपन्यांमध्ये कर्मचारी घेण्यासाठी स्पर्धा वाढली आहे. परंतु यामुळे कर्मचाऱ्यांवर दबाव निर्माण झाला आहे. सर्वाधिक मागणी असलेल्या कर्मचाऱ्यांना स्पर्धेला सामारे जावे लागते आहे. म्हणूनच कंपनीने तुम्हाला नोकरीसाठी निवडावे या दिशेने योग्य पाऊल म्हणजे तुमचा रेझ्युमे उत्कृष्ट असणे, हा रेझ्युमे बघून कंपनीत नियुक्ती करणारे रिक्रुटर्स तुमचीच नोकरीसाठी निवड करतील. मात्र अनेकजण ही पहिली पायरी गाठताना चूका करतात, असे अ‍ॅमेझॉनचे माजी रिक्रुटर लिंडसे मुस्टेन यांनी म्हटले आहे. त्यामुळे रेझ्युमे पाठविताना 7 गंभीर चुका टाळणे गरजेचे आहे.

मुस्टेनने याबाबात सर्वेक्षण केले. त्यावेळी बहुसंख्य उमेदवारांनी ते 20 ते 40 तास रेझ्युमे लिहिण्यामध्ये घालवतात असे सांगितले.

प्रति जॉब ओपनिंग सरासरी 200-250 लोकं अर्ज करत असतात. रिक्रूटर अशाप्रकारे सुरुवातीच्या टप्प्यात प्रत्येक रेझ्युमेवर फक्त सहा सेकंद घालवतात, तर मुस्टेन फक्त चार सेकंद घालवते. त्यामुळे उमेदवारांनी त्यांचा रेझ्युमे स्पष्ट आणि आकर्षक बनवण्यासाठी ऑप्टिमाइझ करणे महत्त्वाचे आहे. त्यासाठी तीन गोष्टींवर अधिक भर देणे गरजेचे आहे.

फॉर्मेट - मुस्टेनच्या मते, कोणत्याही रेझ्युमेसाठी त्याचा फॉर्मेट हा अत्यंत महत्वाचा आहे. सुरवातीच्या तीन ते सहा सेकंदात आम्हाला योग्य माहिती सापडली नाही तर आम्हाला व्यक्ती समजून घ्यायला समस्या येते. यासाठी मिनिमलिस्ट विचार करण्याचा सल्ला मुस्टाइन देते. तुमच्या रेझ्युमे अत्यंत सोपा ठेवा. लेआउटमध्ये फोटो आणि अतिरिक्त माहिती टाकणे टाळा. असे केल्यास रिक्रुटर तुमचा रेझ्युमे सहजपणे स्कॅन करू शकेल आणि त्याला आवश्यक असलेली माहिती निवडू शकेल.

कंटेंट - यानंतर तुमच्या रेझ्युमेमध्ये दोन कंटेटवर भर दिला गेला पाहिजे. स्कोप आणि प्रभाव. स्कोप म्हणजे तुम्ही आधी जिथे काम केले आहे किंवा कसे काम केले आहे तो अनुभव. हा अनुभव तुमच्यासाठी किती महत्वाचा आणि परिणामकारक होता यावर भर देणे. हा अनुभव तुम्ही तुमच्या रेझ्युमेच्या शीर्षस्थानी असलेल्या समरी मध्ये सारांश रूपाने मांडला पाहिजे. नंतर इंटरव्युच्या वेळी हा अनुभव विस्ताराने सांगता येईल.

कीवर्ड- तिसरे म्हणजे, तुमचा रेझ्युमे "कीवर्ड ऑप्टिमाइझ केलेला" असावा, असे मुस्टेन म्हणाले. तुम्ही ज्या कंपनीसाठी अर्ज करत आहात त्या कंपनीद्वारे वापरल्या जाणार्‍या भाषेसाठी त्याचा फायदा होईल. यासाठी तुम्हाला स्थानिक भाषा वापरायची आहे. यासाठी अशा वेबसाइट्स आहेत ज्या तुम्हाला तुमच्या रेझ्युमेमध्ये वापरलेल्या भाषेची नोकरीशी तुलना करू देतात.पण, तुम्ही कंपनीच्या वेबसाइटचा आणि सोशल मीडियाचा वापर ते ग्राहक, ग्राहक आणि वापरकर्ते इत्यादींचा संदर्भ कसा करता हे पाहण्यासाठी करू शकता आणि मार्गदर्शक म्हणून त्याचा वापर करू शकता, मुस्टेनने नमूद केले. मुस्टेनने सांगितले की सामान्य नियमानुसार, तुम्ही नोकरीच्या वर्णनावर आधारित मास्टर रेझ्युमे तयार करा. त्यानंतर तुम्ही अर्ज करत असलेल्या प्रत्येक नोकरीच्या आवश्यकतेनुसार त्यात बदल करू शकता.