रुबी राम
तुमचा छंद आणि व्यवसाय एकच असेल, तर त्यासारखे दुसरे सुख नाही, असे म्हणतात. त्याचीच प्रचिती घेणारी रुबी राम ही चित्रकार असून, तिने आर्थिक कमाईसाठीही हाच व्यवसाय निवडला आहे. आज तिची चित्रे लाखो रुपयांना विकली जात असून, अगदी लहान वयात ती एक चित्रकार म्हणून आपला जम बसवत आहे. तिने चित्रकलेच्या माध्यमातून स्वतःचे घर घेतले असून, पुढच्या पाच वर्षांत स्वतःचा स्टुडिओ उभारण्याचे आणि विविध शहरांत प्रदर्शने आयोजित करण्याचे तिचे ध्येय आहे. तिची ही जिद्द अनेक कलाकारांना आपला छंदच व्यवसाय म्हणून निवडण्याची प्रेरणा आणि बळ देत आहे.