Sarva Pitru Amavasya 2024 : सुर्य ग्रहण अन् सर्वपित्री अमावस्या एकाच दिवशी, काय करावे अन् काय नाही, वाचा सविस्तर

Sarva Pitru Amavasya And Solar Eclipse: हिंदू धर्मात सर्वपित्री अमावस्येला खुप महत्व आहे. यंदा सर्वपित्री अमावस्या २ ऑक्टोबरला असून याच दिवशी सूर्य ग्रहण लागणार आहे. तसेच या दिवशी पितृपक्ष संपणार आहे. ज्या लोकांना पितरांचे निश्चित तारिख माहिती नसते ते लोक सर्वपित्री अमावस्येला पितरांचे श्राद्ध करतात. पण याच दिवशी सूर्यग्रहण लागत असल्याने काही गोष्टींची काळजी घेणे गरजेचे आहे. चला तर मग जाणून घेऊया या दिवशी कोणत्या गोष्टी कराव्या आणि कोणत्या करू नये.

कोणत्या वेळी श्राद्ध करू नये?

सर्वपित्री अमावस्येला सकाळी किंवा रात्री श्राद्ध करू नका. पितृपक्षात श्राद्ध दुपारी करावे. तसेच या दिवशी मोठ्यांचा अपमान करू नये.

श्राद्ध कोणी करावे?

पितरांचे श्राद्ध नेहमी मोठ्या मुलाने करावे.मुलगा नसेल तर पत्नी करू शकते. लहान भावाने श्राद्ध करणे अशूभ मानले जाते.

कोणती भांडी वापरावी?

सर्वपित्री अमावस्येला लोकंडी आणि स्टीलची भांडी वापरू नका. तुम्ही पितळीची भांडी वापरू शकता तसेच द्रोण वापरू शकता. पितरांना दिलेले अन्न देवाला चुकूनही दाखवू नका.

तर्पण करावे

सर्वपित्री अमावस्येला पितरांची पूजा करताना तीळ वापरू नका. तुम्ही काळ्या तीळाचा वापर करू शकता.

पुढील गोष्टीही ठेवा लक्षात

• गरज नसल्यास प्रवास करणे टाळा

• सर्वपित्री अवस्येला कोणतेही महत्वाचे काम करू नका.

• तसेच सूर्यग्रहण असल्याने मंदिरात जाणे टाळावेय.

• या दिवशी खोटे बोलणे टाळावे.

• मोठ्या लोकांशी वाद घालू नका.

• पिपृक्षाचा शेवटचा दिवस असल्याने त्यांच्या आवडीचे पदार्थ नैवेद्य म्हणून दाखवावे.

• कारण या दिवशी पृथ्वीवरून पितर जातात.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.