Smoking Side Effects : दिवसाला १०० सिगरेटी प्यायचा किंग खान, एका सिगारेटने शरीरावर काय परिणाम होतो माहितीये का?

Smoking Side Effects :  

बॉलिवूडचे अनेक कलाकार व्यसनांच्या आहारी गेले आहेत. त्यापैकी काहींनी जीवही गमावला आहे, तर काहींना अनेक आजारांना सामोरे जावे लागले आहे. नुकतेच अभिनेत शाहरूख खान याने एका गोष्टीची कबुली दिली होती. जी ऐकून अनेक चाहत्यांना धक्का बसला आहे.

शाहरूखने एका मुलाखतीत सांगितले होते की, एक काळ असा होता जेव्हा मी दिवसाला १०० सिगारेटी ओढायचो. मी आता धुम्रपान कायमचे बंद केले आहे. पण, आजही मला या गोष्टीचा त्रास होतो. मला श्वास घ्यायला आजही त्रास होतो. पुढे हा त्रास कमी होईल याची मला खात्री आहे. (Shah Rukh Khan)

युनिव्हर्सिटी कॉलेज लंडन कॅन्सर इन्स्टिट्यूटने दिवसातून फक्त एक सिगारेट ओढल्याने आरोग्यावर काय परिणाम होतो, याचा अभ्यास केला आहे. संशोधकांनी १४१ लोकांवर हा प्रयोग केला. अभ्यासांमधील डेटा पाहिला आणि अशी अपेक्षा केली की जे लोक दिवसातून फक्त एक सिगारेट ओढतात, त्यांना हृदयविकाराचा धोका कमी असतो. परंतु परिणाम पाहून त्यांना धक्का बसला.

हृदयरोगाचा धोका

अभ्यासात असे दिसून आले की जे पुरुष दिवसातून फक्त एक सिगारेट ओढतात त्यांना धूम्रपान न करणाऱ्या पुरुषांच्या तुलनेत हृदयविकाराचा धोका ४६% वाढतो आणि स्ट्रोकचा धोका ४१% वाढतो.

ज्या महिला दिवसातून एक सिगारेट ओढतात त्यांना हृदयविकाराचा धोका ३१% आणि पक्षाघाताचा धोका ३४% असतो. दररोज सिगारेट ओढण्याचं प्रमाण कमी केल्याने आरोग्यावर फारसा फरक पडत नाही आणि हृदयविकाराचा धोका कमी होण्यास मदत होत नाही. (Smoking Side Effect For Health)

फुफ्फुसाचे नुकसान

सिगारेटच्या धुरात असलेले हानिकारक विष आणि कार्सिनोजेन्स फुफ्फुसांचे नुकसान करतात. जरी ते कमी प्रमाणात सेवन केले तरीही. यामुळे दीर्घकाळासाठी क्रॉनिक ब्रॉन्कायटिस, एम्फिसीमा आणि फुफ्फुसाचा कर्करोग यांसारख्या आजारांचा धोका वाढतो.

रोग प्रतिकारशक्ती आणि कर्करोगाचा धोका देखील

सिगारेटमधील रसायने तुमची रोगप्रतिकारक शक्ती कमकुवत करतात. ज्यामुळे शरीराची संक्रमणांशी लढण्याची क्षमता कमी होऊ शकते. याशिवाय, सिगारेटच्या धुरात असलेल्या कार्सिनोजेन्समुळे केवळ फुफ्फुसातच नाही तर तोंड, घसा, अन्ननलिका आणि इतर भागांमध्ये कर्करोगाचा धोका वाढतो.

इतरही अनेक तोटे आहेत

धूम्रपानामुळे रक्त प्रवाह कमी होतो आणि ऑक्सिजन त्वचेपर्यंत पोहोचण्यापासून रोखू शकतो, ज्यामुळे अकाली सुरकुत्या पडणे, त्वचा निस्तेज होणे आणि वृद्धत्वाची इतर चिन्हे होऊ शकतात. निकोटीन तात्पुरते मूड सुधारू शकते, परंतु दीर्घकाळात ते चिंता आणि मूड बदलू शकते. फक्त एक सिगारेट ओढल्याने मेंदूवर परिणाम होतो आणि तुम्हाला त्याचे व्यसन लागण्याची शक्यता असते.

सिगरेट सोडण्यासाठी तुमच्या डॉक्टरांशी बोला

धूम्रपान ही केवळ सवय नसून व्यसन आहे. तुम्ही धुम्रपान सुरू केल्यानंतर, तुमचे शरीर त्वरीत निकोटीनची इच्छा करू लागते आणि सोडताना या लालसेशी लढण्यासाठी तुम्हाला मदतीची आवश्यकता असते. उपचार औषधे तुम्हाला यश मिळविण्यात आणि तुमचे आरोग्य परत मिळविण्यात मदत करू शकतात.