Shardiya Navratri 2024: शारदीय नवरात्र 3 की ४ ऑक्टोबरला? जाणून घ्या घटस्थापनेचा शुभ मुहूर्त

Shardiya Navratri 2024: हिंदू धर्मात शारदीय नवरात्रीला खुप महत्व आहे. हा सण नऊ दिवस साजरा केला जातो. नऊ दिवस देवीच्या वेगवेगळ्या रूपाची पूजा केली जाते.

धार्मिक मान्यतेनुसार देवी पृथ्वीवर येतात. यामुळे या सणाला खास महत्व आहे. या दिवसांमध्ये माता दुर्गेची मनोभावे पूजा केल्यास सर्व मनोकामना पुर्ण होतात. तसेच माता दुर्गेची कृपादृष्टी कायम तुमच्यावर राहते. यंदा ३ ऑक्टोबरला शारदीय नवरात्रीला सुरूवात होणार आणि १२ ऑक्टोबरला विजयादशमीला संपणार असून याच दिवशी दसरा साजरा केला जाणार आहे.

घटस्थापनेचा शुभ मुहूर्त

यंदा अश्विन महिन्याच्या शुल्क पक्षातील प्रतिपदा तिथी 3 ऑक्टोबरला दुपारी 12 वाजून 18 मिनिटांपासून सुरू होईल आणि शुक्रवारी 4 ऑक्टोबरला रोजी पहाटे 2 वाजून 58 मिनिटांनी समाप्त होईल.

हिंदू पंचागानुसार घटस्थापनेचा शुभ मुहूर्त 3 ऑक्टोबरला सकाळी 6 वाजून 15 मिनिटांपर्यंत ते 8 वाजून 22 मिनिटांपर्यंत असेल.

कोणत्या दिवशी कोणत्या देवीची पूजा करावी

3 ऑक्टोबर 2024 - घटस्थापना , शैलीपुत्र पूजा

4 ऑक्टोबर 2024 - ब्रम्हचारिणी पूजा

5 ऑक्टोबर 2024 - चंद्रघंटा पूजा

6 ऑक्टोबर 2024 - कुष्मांडा पूजा

7 ऑक्टोबर 2024 - स्कंदामाता पूजा

8 ऑक्टोबर 2024 - कात्यायनी पूजा

9 ऑक्टोबर 2024 - कालरात्री पूजा

10 ऑक्टोबर 2024 - सिद्धिदात्री पूजा

11 ऑक्टोबर 2024 - महागौरी पूजा

12 ऑक्टोबर 2024 -विजयादशमी पूजा

शारदीय नवरात्रीचे महत्व

हिंदू धर्मात नवरात्रीला खुप महत्व आहे. पौराणिक कथेनुसार अश्विन महिन्यात शारदीय नवरात्रीमध्ये दुर्गी देवीने महिषासुराशी नऊ दिवस युद्ध केले. दहाव्या दिवशी देवी दुर्गाने महिषासुरावर विजय मिळवला, तेव्हापासून देवी दुर्गा आणि तिच्या नऊ रूपाची पूजा केली जाते. नवरात्रीत नऊ दिवस देवीची मनोभावे पूजा केली जाते. धार्मिक मान्यतेनुसार नवरात्रीत देवी दुर्गा पृथ्वीवर येतात, त्यामुळे या दिवसांमध्ये दुर्गा पूजेला खास महत्व आहे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.