Shravan Special: श्रावणात चुकूनही 'या' गोष्टी घरात ठेऊ नका , वाढेल नकारात्मकता

Shravan Special: श्रावण महिना ५ ऑगस्टपासून सुरू झाला आहे. श्रावण महिना महादेवाचा आवडता असून महादेवाला प्रसन्न करण्यासाठी शिवभक्त मनोभावे पूजा करतात आणि उपवास करतात. तसेच महादेवाची पूज करताना बेलाचे पान, पांढरे फूल अर्पण करणे शुभ मानले जाते. वास्तूनुसार श्रावणात कोणत्या गोष्टी घरात ठेऊ नये हे जाणून घेऊया.

मांस, अंडी यासारखे पदार्थ

श्रावणात सात्विक पदार्थांचे सेवन करणे शुभ मानले जाते. तसेच पावसाळ्यात मासंहार करणे आरोग्यासाठी चांगले नसते. मासांहार केल्यास पोटासंबंधित समस्या निर्माण होऊ शकतात. महादेवाची पूजा करताना मन शुद्ध आणि स्वच्छ असावे तरच भोलेनाथ प्रसन्न होतात. यामुळे श्रावणात मांस, अंडी कांदा, लसूण यासारखे पदार्थ घरात ठेऊ नका.

तुटलेल्या मुर्ती

श्रावण महिन्यात घरात तुटलेल्या मुर्ती ठेऊ नका. यामुळे घरात नकारत्मकता वाढते. तुटलेल्या मुर्ती नदी किंवा तलावात विसर्जीत कराव्या. यामुळे घरात सकारात्मक वातावरण कायम राहते.

बंद घड्याळ

तुमच्या घरात बंद घड्याळ असेल तर लगेच काढून टाका. कारण वास्तूनुसार अशा घड्याळ घरात ठेवणे अशुभ मानले जाते. तसेच घरात नकारात्मकता वाढते.

पुढील गोष्टी ठेवा लक्षात

हिंदु धर्मात तुळशीच्या रोपाला खुप महत्व आहे. पण महादेवाची पूजा करताना तुळशीचे पान वापरणे अशुभ मानले जाते. तसेच केतकीचे फुल देखील अर्पण करू नका. महादेवाला शमीचे पान अर्पण करावे.

डिस्क्लेमर : सदर लेख फक्त सामान्य माहितीसाठी आहे. सकाळ माध्यम समूह अशा कोणत्याही गोष्टींची पुष्टी करत नाही. अधिक तपशीलांसाठी तुम्ही तज्ज्ञांचे मार्गदर्शन घेऊ शकता.